29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
Մանկավարժական կրթություն չունեմ, բայց աշխատանքի փորձ ունեմ. տնօրենի ԺՊ Մինասյանը ներկայացրեց կենսագրությունը․ ՏԵՍԱՆՅՈՒԹ
Հասարակություն
14.04.2022 | 13:23
Երևանի Չեխովի անվան դպրոցում լարված իրավիճակ է ստեղծվել՝ կապված տնօրենի ընտրությունների հետ. դպրոցի բակում բողոքի ակցիա է իրականացվում:
Տնօրենի պաշտոնակատար Դիանա Մինասյանը, լրագրողների հետ զրույցում ներկայացնելով տնօրենի թափուր տեղի համար անցկացված մրցույթի արդյունքները, նշեց. «Մելքոնյանը ստացավ 4 ձայն, Կարապետյանը՝ 1 ձայն և ես՝ 4 ձայն: Արդյունքում պետք է նորից մրցույթ հայտարարվի»:
Դինանա Մինասյանը հավաստիացրեց, որ որևէ առնչություն չունի Տիգրան Ավինյանի հետ: Նա նաև հաստատեց այն տեղեկությունը, որ իր քույրն աշխատում է Կառավարությունում, սակայն հերյուրանք համարեց այն տեսակետը, թե նրա հովանավորչությունն է վայելում՝ մասնակցելով տնօրենի թափուր տեղի համար հայտարարված մրցույթին:
Անդրադառնալով դիտարկմանը, որ դպրոցի մանկավարաժական հանրույթը և աշակարետների ծնողները դեմ են իր թեկնածությանը, Մինասյանը նշեց. «Նրանք ասում են, որ իմ անձի հետ կապված խնդիր չունեն»:
«Մանկավարժական կրթություն չունեմ, ավարտել եմ ԵՊՏՀ-ն՝ կառավարում մասնագիտությամբ գիտությունների թեկնածու եմ, 10 տարի դասախոսել եմ, այսինքն՝ ունեմ և՛ մանկավարժական, և՛ գիտամանկավարժական, ինչպես նաև ֆինանսական և կառավարման ոլորտի փորձ և գիտելիքներ՝ դպրոցի տնօրենի լիազորություններն իրականացնելու համար»,- հավելեց Մինասյանը:
Մանրամասները՝ տեսանյութում:
