02.03.2026 | 23:40
Հայաստանի մի շարք հասցեներում էլեկտրաներգիայի անջատումներ կլինեն
Եթե չարաշահում եղած լինի, բացահայտվելու է. Գրիգորյանը՝ Արցախին տրամադրված օգնության մասին․ ՏԵՍԱՆՅՈՒԹ
Տնտեսություն
13.04.2022 | 14:59
«Որքանո՞վ է վերահսկելի, թե ՀՀ կառավարության կողմից Արցախին հատկացված ֆինանսական միջոցներն ինչ արդյունավետությամբ են օգտագործվում»,- ԱԺ այսօրվա նիստում, դիմելով փոխվարչապես Մհեր Գրիգորյանին, այս մասին հետաքրքրվեց «Քաղաքացիական պայմանագիր» խմբակցության պատգամավոր Վիգեն Խաչատրյանը:
«Ավելի քան վստահ եմ, որ դժվար թե մեր կողմից իրականացված միջոցառումները, որոնք վերաբերում են ֆիզիկական անձանց, նպատակից շեղված լինեն»,- պատասխանեց փոխվարչապետը՝ հավելելով, որ շահառուները նույնականացվում են, կան նրանց ցուցակները:
Նա նաև նշեց, որ միջոցառումների իրականացման կարգերն այնպես են կազմակերպվում, որ այդպիսի ռիսկեր չառաջանան:
«Նաև հաշվի առնելով, որ բոլոր միջոցառումներն իրականացվել են անկանխիկ եղանակով, վստահ եմ, որ այդ առումով մտածելու շատ բան չկա, նույնիսկ եթե չարաշահում եղած լինի, բացահայտվելու է, որովհետև ֆինանսների շարժը, հետագիծը, մինչև վերջին շահառուն, երևում է»,- նշեց Գրիգորյանը:
Մանրամասները՝ տեսանյութում:
