23.04.2026 | 14:00
10 մլն դրամանոց ժամացույց, կանխիկ՝ 200 հազար դոլար, 100 մլն դրամ, 50 հազար եվրո, 6 անշարժ գույք․ Դավիթ Ղազինյանի հայտարարագիրը
ՀՀ ԱԳՆ-ն մտահոգված է այն փաստով, որ ՌԴ խաղաղապահները չեն թույլատրել ՀՀ ԱԺ պատգամավորների մուտքը ԼՂ
Քաղաքականություն
12.04.2022 | 22:13
Հայաստանի Հանրապետության ԱԳ նախարարությունը մտահոգված է այն փաստով, որ Լեռնային Ղարաբաղում ՌԴ խաղաղապահ զորախմբի ծառայողները չեն թույլատրել ՀՀ Ազգային ժողովի մի խումբ պատգամավորների մուտքը Լեռնային Ղարաբաղ:
Նշված գործողությունը հակասում է 2020թ. նոյեմբերի 9-ի եռակողմ հայտարարությանը, որով նախատեսվում է Լաչինի միջանցքով Լեռնային Ղարաբաղի անխափան կապը Հայաստանի հետ: Հայտարարության բոլոր կողմերը պետք է խստորեն հետևեն դրա տառին և ոգուն, ինչպես նաև իրականացնեն ստանձնած պարտավորությունները:
Հիշեցնենք, որ այսօր ՀՀ Ազգային ժողովի ընդդիմադիր խմբակցությունների պատգամավորներն Արցախի սահմանագծից վերադարձել էին Սյունիք՝ այդպես էլ չկարողանալով հասնել Ստեփանակերտ։
Ընդդիմադիրներին ռուս խաղաղապահները թույլ չեն տվել Ստեփանակերտից 60 կմ հեռավորության վրա գտնվող Աղավնո գյուղի անցակետից առաջ գնալ: Առայժմ չկա պաշտոնական տեղեկություն, թե ինչու «Հայաստան» և «Պատիվ ունեմ» խմբակցությունների պատգամավորներին թույլ չեն տվել հասնել մայրաքաղաք Ստեփանակերտ, որտեղ նրանք հանդիպելու էին Արցախի խորհրդարանական ուժերի հետ:
