29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
ԵՄ-ն լիովին աջակցում է Հայաստանի և Ադրբեջանի միջև համագործակցությանը․ Տոյվո Կլաար
Քաղաքականություն
12.04.2022 | 19:33
Հարավային Կովկասի և Վրաստանում ճգնաժամի հարցերով ԵՄ հատուկ ներկայացուցիչ Տոյվո Կլաարը հեռախոսազրույցներ է ունեցել Հայաստանի և Ադրբեջանի պաշտոնյաների հետ։ Այս մասին նա գրառում է կատարել Թվիթերում։
«Երեկ և այսօր լավ քննարկումներ ունեցա Ադրբեջանի ԱԳ նախարար Ջեյհուն Բայրամովի և Հայաստանի ԱԳ նախարար Արարատ Միրզոյանի հետ, ինչպես նաև Հայաստանի Անվտանգության խորհրդի քարտուղար Արմեն Գրիգորյանի և Ադրբեջանի նախագահի օգնական Հիքմեթ Հաջիևի հետ։ ԵՄ-ն լիովին աջակցում է Հայաստանի և Ադրբեջանի միջև համագործակցությանը»,- գրել է Կլաարը։
Հավելենք, որ ապրիլի 6-ին Բրյուսելում կայացել էր ՀՀ վարչապետ Նիկոլ Փաշինյանի, ԵՄ Խորհրդի նախագահ Շառլ Միշելի և Ադրբեջանի նախագահ Իլհամ Ալիևի եռակողմ հանդիպումը։
Էմմա Չոբանյան
