18.12.2025 | 21:39
Երևանում և 9 մարզում էլեկտրաէներգիայի անջատումներ կլինեն
Սահմանազատումն առանց միջնորդի՝ ուղիղ Ադրբեջանի հետ, մեզ համար ևս պետք է ընդունելի լինի. Արսեն Թորոսյան․ ՏԵՍԱՆՅՈւԹ
Քաղաքականություն
12.04.2022 | 18:48
ՀՀ ԱԳՆ-ի տեղեկացմամբ՝ երեկ կայացել է Հայաստանի և Ադրբեջանի արգործնախարարների միջև հեռախոսազրույց, որի ընթացքում քննարկվել են սահմանագծման և սահմանազատման հանձնաժողովի ստեղծման վերաբերյալ հարցեր:
Թեմայի շուրջ Factor.am-ի հետ զրույցում «Քաղաքացիական պայմանագիր» խմբակցության պատգամավոր Արսեն Թորոսյանը նշեց. «Տեղյակ եք, որ Նիկոլ Փաշինյան – Ալիև հանդիպման ժամանակ պայմանավորվածություն էր ձեռք բերվել երկու երկրների արտգործնախարարներին հանձնարարել աշխատել բանակցությունների նախապատրաստման ուղղությամբ, նաև ստեղծել սահմանագծման և սահմանազատման հանձնաժողով:
Կարծում եմ՝ արտգործնախարարների հեռախոսազրույցի ընթացքում քննարկվել են աշխատանքային հարցեր՝ այդ շրջանակներում: ԱԳՆ-ն այդ մասին տեղեկացրել է պաշտոնական հաղորդագրությամբ, և չեմ կարծում, թե դրանից ավելին հրապարակելը պատեհ է: Հիշեցնենք՝ մենք միշտ թափանցիկ գործելաոճ ենք ունեցել և այդ տրամաբանության շրջանակներում հանրությանը տեղեկացրել ենք մեր քայլերի մասին:
Ես ողջունում եմ այդ հեռախոսազրույցը, որովհետև Հայաստանի և Ադրբեջանի միջև նման ուղիղ կապ վաղուց չի եղել… Սա թույլ է տալիս պրոցեսը տանել դեպի կարգավորում»:
Պատգամավորի դիտարկմամբ՝ սահմանագծման և սահմանազատման հանձնաժողովի ստեղծումը բարդ պրոցես է. «Պետք է ջանքեր գործադրենք, որ դա տեղի ունենա, քանի որ նաև ՀՀ պետական շահերից է բխում այն, որ կունենանք սահմանագծված և սահմանազատված սահմաններ, ինչը հավելյալ անվտանգության երաշխիք է լինելու»:
Մանրամասները՝ տեսանյութում:
