19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Նախանձելի անհետևողականություն է իրենց իսկ առաջարկների նկատմամբ․ Թունյանը՝ ընդդիմադիրների բոյկոտի մասին․ ՏԵՍԱՆՅՈՒԹ
Քաղաքականություն
12.04.2022 | 14:20
«Քաղաքացիական պայմանագիր» խմբակցության պատգամավոր Բաբկեն Թունյանն ԱԺ նիստում նշեց, որ քննարկվող նախագծի հարակից զեկուցողն ընդդիմադիր գործընկեր է, բայց ներկա չէ․ ավելին՝ «Հայաստան համահայկական հիմնադրամի» կողմից հավաքագրված և ՀՀ պետական բյուջե փոխանցված միջոցների օգտագործումը ուսումնասիրող ԱԺ քննիչ հանձնաժողովի գործունեության ժամկետը կես տարով երկարաձգելու հարցը պետք է քննարկվեր, սակայն ընդդիմությունը չկա, և դա այն դեպքում, երբ այդքան կարևորում էին հանձնաժողովի աշխատանքը։
Հիշեցնենք՝ ընդդիմադիր երկու խմբակցություններն այսօր հայտարարեցին, որ չեն մասնակցելու քառօրյա նիստերին, մեկնելու են Արցախ և ՀՀ սահմանամերձ բնակավայրեր:
«Հուսամ ինձ լսում են։ Ցավում եմ, որ այստեղ չեն։ Առանց իրենց մի քիչ անհետաքրքիր է անցնում, բայց չեմ ուզում գնահատական տալ բոյկոտի որոշմանը։ Մյուս անգամ, երբ կխոսենք հրատապությունից և կարևորությունից, նկատի ունենանք, որ մեր գործընկերներն իրենց իսկ առաջարկած կարևոր հարցերի դեպքում նախանձելի անհետևողականություն են ցուցաբերում»,- նշեց Թունյանը։
Մանրամասները՝ տեսանյութում:
