18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Անդրեա Վիկտորինն այցելել է Սյունիք
11.04.2022 | 20:59
Ապրիլի 11-ին Սյունիքի մարզ՝ Հայաստանում ՄԱԿ-ի, Հայաստանում ՄԱԿ-ի բնակչության հիմնադրամի, ՀՀ-ում Լիտվայի դեսպանության և ՀՀ մարդու իրավունքների պաշտպանի գրասենյակի մասնակցությամբ համատեղ այցի շրջանակներում՝ Հայաստանում ԵՄ պատվիրակության ղեկավար, դեսպան Անդրեա Վիկտորինն այցելեց ԵՄ-ի կողմից ֆինանսավորվող Կապանի Կանանց ռեսուրս կենտրոն ՀԿ՝ քննարկելու կենտրոնի, ինչպես նաև Կենտրոնի կողմից ստեղծված սոցիալական ձեռնարկության ներկա գործունեությունը։ Այս մասին հայտնում է ՀՀ-ում ԵՄ գրասենյակը։
«Դեսպանը ոգևորիչ երկխոսություն ունեցավ շահառուների, այդ թվում՝ ՄԱԿ-ի բնակչության հիմնադրամի ֆինանսավորմամբ իրականացվող մարդասիրական ծրագրերի շահառուների հետ, ովքեր ներկայացրին իրենց հաջողության պատմությունները և իրենց դժվարությունները։ Դեսպանն ուրախությամբ տեղեկացավ Ռեսուրս կենտրոնի ապագա ծրագրերին և հույս հայտնեց, որ կրթությունը և հզորացումը կառաջնորդեն ավելի արդար և ավելի խաղաղ կյանքի ապահովմանը բոլորի համար»,- ասվում է հաղորդագրությունում։
