28.06.2026 | 11:58
Հետվճարի տեսքով վերադարձվել է 30 միլիարդ դրամ․ կառավարությունը՝ կենսաթոշակների մասին
Հայաստանի սուսերամարտիկները մեդալ չեն նվաճել աշխարհի առաջնությունում
11.04.2022 | 14:03
Դուբայում անցկացվեց սուսերամարտի աշխարհի պատանեկան և երիտասարդական առաջնությունը: Մասնակիցների թվում էին Հայաստանի վեց ներկայացուցիչներ. տեղեկացնում են ՀԱՕԿ-ից։
Երիտասարդ խոցասուսերակիրների մրցաշարի խմբային փուլում Գրիգոր Մնացականյանը և Աշոտ Խալաթյանը, 208 մրցակիցների պայքարում, տարան երեքական հաղթանակ և անցան հաջորդ փուլ: Այստեղ նրանք անհաջողության մատնվեցին և 64 հաջողակաների խումբ չմտան: Ասենք, որ Աշոտ Խալաթյանը, նույն ՝ խոցասուսեր մրցաձևում իր ուժերը փորձեց նաև պատանիների մրցումներում, որտեղ մեկ հաղթանակ տարավ և դուրս մնաց պայքարից:
Իրենց հաշվին ընդամենը մեկական հաղթանակ գրանցեցին նաև երիտասարդ ճկասուսերակիրներ Համլետ Մխոյանը և Գրիգոր Պապոյանը:
Նույն զենքաձևի խմբային փուլում տպավորիչ երկու հաղթանակ տոնեց Աիդա Ալոյանը և իր համար տեղ ապահովեց 128 մասնակիցների շարքում: Ավաղ, նա այնուհետև պարտվեց և վերածվեց հանդիսականի:
Մեր պատվիրակներից միայն պատանի ճկասուսերակիր Արսեն Դադայանը անկարող եղավ ճաշակել հաղթանակի քաղցրությունը, քանզի նա տանուլ տվեց առաջին իսկ մրցակցին:
Ճիշտ է, մեր դ’Արտանյաննները ձեռնունայն վերադարձան հայրենիք, բայց չպիտի դժգոհել: Նախնական փուլերում նրանց ունեցած հաղթանակները ապագա հաջողության հույս են ներշնչում, եթե, իհարկե, նպատակային աշխատանքներ տարվեն:
