Գիլոյանն ընդունել է Հայաստանի գրեփլինգի ֆեդերացիայի ներկայացուցիչներին

Լուրեր

22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
21.11.2026 | 17:18
Ինչ եղանակ է սպասվում առաջիկա օրերին
Բոլորը

ՀՀ կրթության, գիտության, մշակույթի և սպորտի նախարարի տեղակալ Կարեն Գիլոյանն ընդունել է Հայաստանի գրեփլինգի ֆեդերացիայի ներկայացուցիչներին․ տեղեկացնում են ԿԳՄՍՆ-ից։

Հանդիպմանը ներկա են գտնվել ֆեդերացիայի նախագահ Սարգիս Բազինյանը, գլխավոր քարտուղար Վլադիմիր Հովհաննիսյանը, մարզիկներ Ռազմիկ Միսակյանը, Մայիս Ներսեսյանը և Արթուր Զաքարյանը:

Գրեփլինգի Հայաստանի հավաքականը մարտի վերջին 3 մարզիկով մասնակցել էր Հունգարիայի մայրաքաղաք Բուդապեշտում անցկացված Եվրոպայի առաջնությանը և 3 մեդալ նվաճել: -62 կգ քաշային կարգի No-Gi (առանց կիմոնոյի) ձևաչափում Ռազմիկ Միսակյանը դարձել էր Եվրոպայի փոխչեմպիոն, իսկ նույն քաշային կարգի Gi ձևաչափում Մայիս Ներսեսյանը նվաճել էր բրոնզե մեդալ: -84 կգ քաշային կարգի Gi ձևաչափում էլ բրոնզե մեդալակիր էր դարձել Արթուր Զաքարյանը:

ԿԳՄՍ նախարարի տեղակալը, շնորհավորելով մարզիկներին կարևոր նվաճման առթիվ, ընդգծել է՝ շատ ուրախալի է, որ ֆեդերացիայի գործունեության ընդամենը մեկ տարվա ընթացքում արդեն իսկ շոշափելի արդյունքներ են գրանցվել. «Աշխատանքը ենթադրում է ռեսուրսների ծախս, նվիրվածություն, նպատակամղվածություն, և միայն դրանց առկայության դեպքում է հնարավոր որևէ արդյունք ունենալ: Դուք, ձեր գործը սիրելով, ամեն ինչ անում եք հաջողության հասնելու համար և, փառք Աստծո, այս կարճ ժամանակահատվածում կարողացել եք լավ արդյունքներ ապահովել ու մեդալներ նվաճել»:

Կարեն Գիլոյանի խոսքով՝ հատկապես ուրախացնում է այն հանգամանքը, որ գրեփլինգն աստիճանաբար հիմնավորվում և ուժեղանում է՝ որպես մարզաձև. «Շատ հնարավոր է՝ այն մի օր տեսնենք նաև օլիմպիական խաղերի ծրագրում: Ամեն դեպքում, Ըմբշամարտի միջազգային ֆեդերացիան շատ լուրջ ուշադրություն է դարձնում այս մարզաձևին: Դուք էլ ֆեդերացիայում ձեր աշխատանքը կատարում եք շատ բարեխղճորեն: Եվս մեկ անգամ շնորհավորում եմ»:

Ֆեդերացիայի նախագահ Սարգիս Բազինյանը ևս հույս է հայտնել, որ գրեփլինգը մի օր օլիմպիական մարզաձև կդառնա. «Գրեփլինգը մեզ համար հիմա գերակա ուղղություն է, ու միանգամայն իրատեսական է դարձել օլիմպիական ընտանիքի կազմում ընդգրկվելը»:

Հայաստանի գրեփլինգի ֆեդերացիայի գլխավոր քարտուղար Վլադիմիր Հովհաննիսյանն էլ ԿԳՄՍՆ-ի հետ համագործակցության շրջանակում կարևորել է մարզիկներին կոչումների շնորհման գործընթացը. «Շնորհակալ ենք այն աջակցության համար, որ կա, ու այն աշխատանքների համար, որոնք տարվում են: Մեր մարզիկները մարզական կոչումներ են ստանում, ինչը շատ կարևոր է մեզ համար: Դա էլ մեծ խթան է: Մենք էլ ամեն ինչ անելու ենք, որ գրեփլինգը Հայաստանում զարգանա»:

Հիշեցնենք՝ Եվրոպայի առաջնության բրոնզե մեդալակիր Մայիս Ներսիսյանն ավելի վաղ միջազգային կարգի սպորտի վարպետի կոչման էր արժանացել: