29.07.2026 | 00:56
«Արարատ-Արմենիան» դուրս եկավ Չեմպիոնների լիգայի որակավորման երրորդ փուլ. ՏԵՍԱՆՅՈՒԹ
Բուքմեյքերական հաշիվը հնարավոր չի լինելու կանխիկ ձևով և էլեկտրոնային դրամապանակով լիցքավորել. նախագիծ. ՏԵՍԱՆՅՈՒԹ
Քաղաքականություն
11.04.2022 | 11:46
Ֆինանսավարկային և բյուջետային հարցերի մշտական հանձնաժողովի նիստում քննարկվում է «Շահումով խաղերի, ինտերնետ շահումով խաղերի և խաղատների մասին» օրենքում փոփոխություն կատարելու մասին, «Վիճակախաղերի մասին» օրենքում փոփոխություն կատարելու մասին ՀՀ քաղաքացիական օրենսգրքում փոփոխություն կատարելու մասին օրենքի նախագիծը։
Նախագիծը ներկայացնող ԱԺ ֆինանսավարկային և բյուջետային հարցերով մշտական հանձնաժողովի նախագահ Գևորգ Պապոյանն ասաց, թե այսօր բուքմեյքերական հաշիվները հնարավոր է լիցքավորել 3 եղանակով, կանխիկ, բանկային քարտից և էլեկտրոնային դրամապանակից։
Նախագծով առաջարկվում է օրենքն ընդունելուց 10 օր հետո հանել բուքմեյքերական հաշիվը կանխիկ ձևով լիցքավորելու տարբերակը։
«Այնուհետև 6 ամիս հետո հնարավոր չի լինելու նաև էլեկտրոնային դրամապանակներից լիցքավորել բուքմեյքերական հաշիվները։ Այսինքն՝ օրենքն ընդունելուց 6 ամիս 10 օր հետո քաղաքացիներն իրենց բուքմեյքերական հաշիվները կարող են լիցքավորել միայն անկանխիկ եղանակով…
Փորձում ենք ինչքան հնարավոր է սահմանափակել, դժվարեցնել կամ թափանցիկ դարձնել բուքմեյքերական գրասենյակների գործունեությունը և քաղաքացիների՝ դրանց հասանելիությունը»,- նշեց Պապոյանը՝ հավելելով, որ այս տարբերակով նաև տեսանելի կլինի՝ ով է խաղում, ինչքան է խաղում, և սա հետագայում հնարավորություն է տալու որոշակի քաղաքականություն իրականացնել:
Մանրամասները՝ տեսանյութում:
