07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Բռնցքամարտի Եվրոպայի առաջնությանն ընդառաջ ակտիվ շինաշխատանքներ Մարզահամերգային համալիրում
09.04.2022 | 13:37
Կարեն Դեմիրճյանի անվան մարզահամերգային համալիրում կատարվում են շինարարական ակտիվ աշխատանքներ 2022 թ. մայիսի 21-31-ը կայանալիք բռնցքամարտի Եվրոպայի առաջնությանն ընդառաջ. տեղեկացնում են Պետգույքի կառավարման կոմիտեից:
«Կարեն Դեմիրճյանի անվան մարզահամերգային համալիր» ՊՈԱԿ-ին տրամադրելու նպատակով՝ ՀՀ Կառավարության 2022 թ. փետրվարի 17-ի որոշմամբ դրամաշնորհի պայմանագրերի հիման վրա` Պետական գույքի կառավարման կոմիտեին հատկացվել է 310.768.300 դրամ, որը պետք է ուղղվի մարզահամերգային համալիրի նորոգման աշխատանքների իրականացմանը, մասնավորապես՝
շենքի ճակատային մասի վերանորոգում.
համերգային և սպորտային դահլիճներին կից հանդերձարանների ու միջանցքի վերանորոգում.
մարզահամերգային համալիրի կարողությունների զարգացում՝
միջոցառումների սպասարկումն ապահովելու նպատակով մոդուլային շարժական հատակի,
լուսադիոդային ցուցատախտակի և վերելակների ձեռքբերման ծախսեր։
Բացի բռնցքամարտի առաջնությունից, այս տարի համալիրում կայանալու են նաև «Մանկական Եվրատեսիլը», գիտության և արվեստի STARMUS 6-րդ փառատոնը և ծանրամարտի Եվրոպայի առաջնությունը։
