13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Սերգեյ Լավրովը և Ջեյհուն Բայրամովը քննարկել են եռակողմ պայմանավորվածությունների իրականացման ընթացքը
Քաղաքականություն
08.04.2022 | 21:21
ՌԴ ԱԳ նախարար Սերգեյ Լավրովն այսօր հեռախոսազրույց է ունեցել Ադրբեջանի ԱԳ նախարար Ջեյհուն Բայրամովի հետ,հայտնում է ՌԴ արտաքին գործերի նախարարությունը։
Նշվում է,որ քննարկվել է երկկողմ հարաբերությունների հարցերի լայն շրջանակ, այդ թվում՝ այս տարվա փետրվարի 22-ին երկու երկրների միջեւ ամենաբարձր մակարդակով ստորագրված`Դաշնակցային հռչակագրի դրույթների կատարման ընթացքը։
Տեղի է ունեցել նաեւ կարծիքների փոխանակում տարածաշրջանային ու միջազգային մի շարք հարցերի շուրջ։
«Նախարարները դիտարկել են եռակողմ հայտարարությունների կատարման ընթացքը 2020թի նոյեմբերի 9-ի, 2021թի հունվարի 11-ի ու նոյեմբերի 26-ի,այդ թվում`եռակողմ աշխատանքային խմբի գործունեությունը տնտեսական ու տրանսպորտային կապերի ապաշրջափակման, հայ-ադրբեջանական սահմանի դելիմիտացիայի հանձնաժողովի գործարկման ջանքերը,ինչպես նաև պայմանների ստեղծումը Ադրբեջանի եւ Հայաստանի միջև խաղաղության պայմանագրի նախապատրաստման շուրջ բանակցությունների համար», – ասվում է ՌԴ ԱԳՆ հաղորդագրության մեջ։
Էմմա Չոբանյան
