04.03.2026 | 14:55
Կուսակցության կողմից պատրաստված հոլովակներում օգտագործվել են համացանցից վերցված քաղաքացիների լուսանկարներ․ Cyberhub
Բայրամովը Չավուշօղլուի հետ քննարկել է Բրյուսելում կայացած Փաշինյան-Միշել-Ալիև հանդիպումը
Քաղաքականություն
08.04.2022 | 19:38
Ադրբեջանի ԱԳ նախարար Ջեյհուն Բայրամովն այսօր հեռախոսազրույց է ունեցել Թուրքիայի ԱԳ նախարար Մևլութ Չավուշօղլուի հետ։ Այս մասին հայտնում է Ադրբեջանի ԱԳՆ-ն, որին վկայակոչում են տեղական լրատվամիջոցները։ Նշվում է, որ նախարարները կարծիքներ են փոխանակել տարածաշրջանում վերջին իրավիճակի, այդ թվում՝ եռակողմ հայտարարությունների կատարման շուրջ։
Կողմերը նաև քննարկել են Հայաստանի ու Ադրբեջանի հարաբերությունների կարգավորմանը, մասնավորապես, Բրյուսելում կայացած բարձր մակարդակի հանդիպմանն առնչվող հարցեր։
«Հեռախոսազրույցում նաև քննարկվել է Ուկրաինայում ու դրա շուրջ իրավիճակը, բազմակողմ հարթակներում համագործակցությունը և փոխադարձ հետաքրքրություն ներկայացնող այլ հարցեր»,-ասվում է հաղորդագրության մեջ։
Հավելենք, որ նախօրեին էլ Ադրբեջանի նախագահ Իլհամ Ալիևն էր զանգահարել Թուրքիայի նախագահ Ռեջեփ Թայիփ Էրդողանին ու զեկուցել ապրիլի 6-ն Բրյուսելում տեղի ունեցած ՀՀ վարչապետ Նիկոլ Փաշինյանի ու Եվրոպական Խորհիդի նախագահ Շառլ Միշելի հետ եռակողմ հանդիպման արդյունքների մասին։
Էմմա Չոբանյան
