03.05.2024 | 17:18
Տրինիդադ և Տոբագոն որոշել է Պաղեստինն անկախ պետություն ճանաչել
ՌԴ-ն առանցքային դաշնակցի դիրքերից կշարունակի օգնել Հայաստանին սահմանի պաշտպանության ապահովման գործում․ Լավրով
Քաղաքականություն
08.04.2022 | 14:54
Ռուսաստանը շարունակելու է օգնել Հայաստանին սահմանի պաշտպանության ապահովման ու պաշտպանունակության ամրապնդման գործում։ Այս մասին ՀՀ ԱԳ նախարար Արարատ Միրզոյանի հետ Մոսկվայում հանդիպմանը հայտարարել է ՌԴ ԱԳ նախարար Սերգեյ Լավրովը, գրում է ՏԱՍՍ-ը։
«Մենք կշարունակենք Հայաստանի առանցքային դաշնակցի դիրքերից օգնել ձեզ՝ ամրապնդել պաշտպանունակությունը և սահմանի պաշտպանությունը»,- ասել է Լավրովը։
Նա նշել է, որ հանդիպմանը կողմերը նաև քննարկելու են համագործակցության հեռանկարները ԱՊՀ-ի, ԵՏՄ-ի և ՀԱՊԿ-ի շրջանակում։
«Հիմա Հայաստանը նախագահում է ՀԱՊԿ-ում, այդ պատճառով մեզ համար առավել կարևոր է մեր գործողությունները համադրել այն ծրագրերի հետ, որոնք Հայաստանը ներկայացրել է այս կազմակերպության անդամներին»,- ընդգծել է Լավրովը։
Ըստ Լավրովի՝ Մոսկվան շարունակելու է ապահովել ՌԴ-ի, Հայաստանի և Ադրբեջանի եռակողմ պայմանավորվածությունների կատարումը Լեռնային Ղարաբաղի մասով, այդ թվում՝ ռուս խաղաղապահ զորախմբի գործունեությունը։
«Ղարաբաղյան կարգավորման վերաբերյալ կա համաձայնությունների երեք խումբ, որոնք ձեռք են բերվել ամենաբարձր մակարդակով 2020 թվականի նոյեմբերին, 2021 թվականի հունվարին և նոյեմբերին: Եվ մենք շարունակելու ենք ապահովել այդ պայմանավորվածությունների կատարումը, այդ թվում՝ Ղարաբաղում ռուս խաղաղապահ զորախմբի գործունեությունը՝ իր մանդատին խստորեն համապատասխան»,- ասել է ՌԴ ԱԳ նախարարը։
Էմմա Չոբանյան
