21.08.2026 | 09:36
ՀՀ տարածքում ավտոճանապարհներն անցանելի են
Հայաստանում 2022 թ.-ի հոկտեմբերի 13-22-ը կանցկացվի մարդահամար
Քաղաքականություն
08.04.2022 | 14:36
2022թ-ի հոկտեմբերի 13-22-ը կանցկացվի մարդահամար. այս մասին ֆեյսբուքի իր էջում գրառում է կատարել ՀՀ փոխվարչապետ Համբարձում Մաթևոսյանը:
«Հայաստանի Հանրապետությունում 2022 թվականի մարդահամարի նախապատրաստման և անցկացման համապետական հանձնաժողովի այսօրվա նիստի ընթացքում քննարկել ենք նախապատրաստման և անցկացման աշխատանքների ընթացքը, ինչպես նաև անդրադարձել ենք Մարդահամարի ծրագրի (հարցաշարի) նախագծին։
Հնգօրյա ժամկետում Հանձնաժողովի անդամների կողմից երկու հարցերի վերաբերյալ կարծիքներն ու առաջարկները ստանալուց, հարցաշարը լրամշակելուց հետո, Հանձնաժողովի քննարկման արդյունքում ձևավորած կարծիքի հիման վրա 2022թ. մարդահամարի ծրագրի նախագիծը կներկայացվի ՀՀ կառավարության հաստատմանը»,- գրել է Մաթևոսյանը:
