23.04.2026 | 14:32
Աննա Հակոբյանին 15 դրվագով վարչական պատասխանատվության ենթարկել ․«Անկախ դիտորդ» դաշինքը դիմում է դատարան
Ալիևը զանգահարել է Էրդողանին և զեկուցել Բրյուսելում Փաշինյանի ու Միշելի հետ հանդիպման մասին
Քաղաքականություն
08.04.2022 | 13:03
Ադրբեջանի նախագահ Իլհամ Ալիևը զանգահարել է Թուրքիայի նախագահ Ռեջեփ Թայիփ Էրդողանին՝ քննարկելու երկկողմ համագործակցությունն ու հայ-ադրբեջանական հարաբերությունների կարգավորման գործընթացը, հայտնում են ադրբեջանական լրատվամիջոցները։
«Զրույցի ընթացքում կողմերը քննարկել են Բրյուսելում ապրիլի 6-ին կայացած ԵՄ-Հայաստան-Ադրբեջան եռակողմ ձևաչափով հանդիպումը։ Նախագահ Ալիևը դրական է գնահատել ձեռք բերված արդյունքները»,- ասվում է հաղորդագրության մեջ։
Նշվում է, որ Էրդողանը ևս գոհունակություն է հայտնել հանդիպման արդյունքներից։
Զրույցի ընթացքում նշվել է, որ Հայաստանի և Ադրբեջանի միջև խաղաղության պայմանագրի ստորագրումը, տրանսպորտային և այլ հաղորդակցությունների բացումը կապահովեն տարածաշրջանում խաղաղությունն ու կայունությունը, կնպաստեն տարածաշրջանի երկրների զարգացմանը։
Ալիևն ու Էրդողանը կարծիքներ են փոխանակել նաև թուրք-ադրբեջանական երկկողմ դաշնակցային կապերի տարբեր ասպեկտների շուրջ։
Էմմա Չոբանյան
