18.08.2026 | 14:48
Բաշար Ասադի զարմիկին Սիրիայում մահապատժի են դատապարտել՝ սպանությունների և խոշտանգումների համար
Մինսկի խումբը դադարում է գոյություն ունենալ․ սա հետքայլ է ու վտանգավոր նախադեպեր է ստեղծում․ քաղաքագետ. ՏԵՍԱՆՅՈՒԹ
Քաղաքականություն
08.04.2022 | 12:58
«Մտահոգիչ է, որ արդեն երրորդ հայտարարությունն է տարածվում Շառլ Միշելի կողմից, որում որևէ հիշատակում չկա ո՛չ Լեռնային Ղարաբաղի, ո՛չ էլ ղարաբաղյան հակամարտության մասին»,- այս մասին «Առանց Արցախի և ԵԱՀԿ Մինսկի խմբի. ի՞նչ են կանխորոշում բրյուսելյան բանակցությունները» թեմայով քննարկման ժամանակ նշեց քաղաքագետ Տիգրան Գրիգորյանը:
Քաղաքագետի դիտարկմամբ՝ մեծ հաշվով այդ հայտարարությունները համապատասխանում են Ադրբեջանի այն դիրքորոշմանը, որ ղարաբաղյան հակամարտությունն ավարտված է, և գոյություն չունի նույնիսկ Լեռնային Ղարաբաղ վարչական միավոր:
«Ակնհայտ է, որ այդ հարցերը քնարկվում են հանդիպումների ընթացքում, հայկական կողմը իր հաղորդագրություններում նշում է այդ մասին, սակայն Ադրբեջանին գրգռելուց զերծ մնալու նպատակով հայտարարության մեջ չի նշվում. հայկական կողմը պետք է մեծ ջանքեր գործադրի, որպեսզի ղարաբաղյան հակամարտության վերաբերյալ ինչ-որ ձևակերպում տեղ գտնի հայտարարություններում»,- նշեց քաղաքագետը:
Գրիգորյանն ընդգծեց նաև, որ ակնհայտ է՝ Մինսկի խումբը դադարում է գոյություն ունենալ: Քաղաքագետի դիտարկմամբ՝ սա հետքայլ է և վտանգավոր նախադեպեր է ստեղծում:
Մանրամասները՝ տեսանյութում:
