06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Գյուղացիներին կոչ եմ անում՝ որքան հնարավոր է հողեր մշակեն, արտադրանքը լավ գնով կվաճառվի. Քերոբյան. ՏԵՍԱՆՅՈՒԹ
Տնտեսություն
07.04.2022 | 16:21
«Այսօր մեր ամենագլխավոր անվտանգային ռիսկերից մեկը պարենային անվտանգության խնդիրն է, և պետք է կոչ անեմ գյուղացիներին՝ ինչքան հնարավոր է լայն հողային մակերեսներ մշակել»,- կառավարության նիստից հետո լրագրողների հետ ճեպազրույցում ասաց էկոնոմիկայի նախարար Վահան Քերոբյանը։
«Եվ նաև ուզում եմ վստահեցնել, որ իրենց արտադրանքը լավ գնով անպայման կվաճառվի, որովհետև այն դեֆիցիտը, որը մենք տեսնում ենք միջազգային շուկաներում, թույլ է տալիս վստահորեն պնդել, որ գյուղացիների համար իրենց բերքի վաճառքի գները լինելու են լավը։ Եվ այդ տեսանկյունից ինչքան շատ մշակեն, այնքան մեծ օգուտ կունենան»,- նշեց Քերոբյանը։
Հայաստանը սերմացուի ներկրման վտանգներ ուներ, սակայն, էկոնոմիկայի նախարարի հավաստմամբ, ՌԴ գործընկերների հետ կարողացել են չեզոքացնել դրանք։
Հարցին, թե այս պահին կերային կուլտուրաների առումով ինչ պայմանավորվածություն կա, նախարարը պատասխանեց, որ միջանկյալ պայմանավորվածություն կա ՌԴ-ի հետ։ «Մեր աշխատանքներն ուղղված են նրան, որ հաջորդ շաբաթ արդեն վերջնական պայմանավորվածություն ձեռք բերենք»,- ասաց Քերոբյանը։
Մանրամասները՝ տեսանյութում:
