10.09.2026 | 09:54
Պատուհանից մտել է սրահ, հարձակվել աշխատակցի վրա. ավազակության կասկածանքով ձերբակալվել է 36-ամյա տղամարդ
15 երեխա՝ մեկ հարկի տակ․ Մելքոնյանների ընտանիքն ամսական 20 լիտր ձեթ է գնում, 2 պարկ՝ ալյուր․ ՏԵՍԱՆՅՈՒԹ
Հասարակություն
07.04.2022 | 20:40
15 երեխա՝ մեկ հարկի տակ։ Նախագահի կողմից հերոս ընտանիքի կոչում ստացած Մելքոնյաններն ամեն օր 17 հոգով են սեղան նստում։
Ընտանիքի կրտսերը Հայկն է՝ 4 տարեկան, իսկ ավագ որդին արդեն 27 տարեկան է։ 46-ամյա Անժելա Մելքոնյանը ժպիտը դեմքին ասում է՝ եթե Աստված էլի իրենց երեխա տա, կունենան։
Առայժմ ընտանիքում 15 երեխա կա՝ 10 աղջիկ, 5 տղա։ Որդիներից Դանիելն արցախյան 44-օրյա պատերազմի մասնակից է, պատերազմից վերադարձել է բեկորային վնասվածքներով, հիմա լավ է։ Տղաներից երկուսն ու դուստրերից մեկն արդեն ամուսնացել են։ Թեև առանձին են ապրում, բայց հաճախ են հյուր գալիս։ Դժվարությունները միասին են հաղթահարում, մեկը մյուսի հոգսը կիսում։
Ամեն մեկն իր պարտականությունը լավ գիտի։ Արթնանում են, հավաքում անկողինն ու նախաճաշելու գալիս։ Ավագ քույրերը խոհանոցի գործերն իրենց վրա են վերցրել։ Ապրում ենք հաշտ ու համերաշխ, չենք վիճում՝ ասում են նրանք։
Տան հայրը հաշմանդամության 3-րդ կարգ ունի, թոշակ է ստանում, բացի այդ՝ ընտանիքը պետության կողմից ամսական 93 հազար նպաստ է ստանում։ Ասում են՝ պետությունն այլ հարցերով էլ օգնում է, եթե դիմում են, բարերարները՝ նույնպես։ Կարճ ասած՝ առանց ուշադրության ու օգնության չեն մնում։ Միակ դժվարությունը, ասում են, ամուսնացած տղաների տան հարցն է։ Վարձով են բնակվում։
Ապրիլի 7-ն այս տանը կրկնակի տոն է՝ լրանում է Մելքոնյանների ամուսնության 27 տարին։ Ամեն տարի պարտադիր նշում են։ Ասում են՝ օրը տոն դարձնելու ոչ մի առիթ բաց չենք թողնում։
Մանրամասները՝ տեսանյութում։
Սաթենիկ Հայրապետյան
