06.10.2026 | 11:18
Ազգային ժողովի հրմշտոցը՝ ԼՈՒՍԱՆԿԱՐՆԵՐՈՎ
Սահմանների հարցերով ստեղծվող հանձնաժողովը կունենա կրկնակի մանդատ. Նիկոլ Փաշինյան. ՏԵՍԱՆՅՈՒԹ
Քաղաքականություն
07.04.2022 | 15:37
Հայաստանի և Ադրբեջանի միջև սահմանների դելիմիտացիայի հարցերով երկկողմ հանձնաժողովը կունենա կրկնակի մանդատ։ Այսօր կառավարության նիստում այս մասին ասաց ՀՀ վարչապետ Նիկոլ Փաշինյանը` ներկայացնելով բյուսելյան հանդիպումից որոշ մանրամասներ։
«Առաջինը` բուն դելիմիտացիայի, այսինքն` սահմանագծման աշխատանքներն են, երկրորդը` սահմանի երկայնքով անվտանգության և կայունության ապահովումը։ Այս թեմայով քննարկումները, հիշում եք, այդ թվում` ՌԴ միջհնորդությամբ, տեղի են ունենում շուրջ մեկ տարի, և, ի վերջո այսպիսի կոմպրոմիսային որոշման հանգեցինք»,- նշեց Փաշինյանը։
Վարչապետը շեշտեց, որ կան Ադրբեջանի վերահսկողության տակ գտնվող ՀՀ տարածքներ ու Ադրբեջանի տարածքներ, որոնք Հայաստանի վերակսկողության ներքո են։
«Այս հարցերը պետք է լուծվեն բանակցությունների արդյունքներով, բնականաբար, դե յուրե հիմնավորված արձանագրումների, իրավական նշանակություն ունեցող փաստերի հիման վրա»,- նշեց Փաշինյանը։
Մանրամասները՝ տեսանյութում:
