29.06.2026 | 10:35
Փրկարարները Փամբակ գետում հայտնաբերել են հունիսի 27-ից որոնվող տղամարդու դին
Գրագողության դեմ պայքարի արդյունքում՝ ուսանողների զգալի մասը դուրս կմնա բուհից․ Ավետիք Մեջլումյան. ՏԵՍԱՆՅՈՒԹ
Հասարակություն
07.04.2022 | 13:12
«Կոռուպցիայի ամենամեծ դրսևորումն այն է, որ բուհը և ուսանողները գալիս են ստվերային համաձայնության, կողմերը իրենց ձեռնտու են համարում այն, որ ուսանողների զգալի մասը շահագրգռված է միայն դիպլոմ ունենալու, բայց ոչ սովորելու, որովհետև կա՛մ չի հավատում կրթության որակին և մոտիվացված չէ, կա՛մ չի կարողանում սովորել, և բուհն էլ կրթության որակ չի ապահովում ու աչք է փակում ցածր արդյունքների վրա, և այդ ուսանողներին պահում է որպես ֆինանսավորման աղբյուր»,- «Հակակոռուպցիոն քաղաքականությունը ՀՀ բարձրագույն կրթության ոլորտում» թեմայով քննարկման ժամանակ նշեց Հանրային քաղաքականության ինստիտուտի տնօրեն Ավետիք Մեջլումյանը:
Նրա խոսքով՝ գրագողության դեմ պայքարելը շատ հեշտ է, բայց դրանում բուհերը շատ շահագրգռված չեն, քանի որ գրագողության դեմ պայքարի արդյունքում ուսանողների զգալի մասը դուրս կմնա բուհից: «Եվ ստացվում է, որ ստվերային համաձայնությունը հենց ամենագլխավոր խնդիրն է»,- ընդգծեց Մեջլումյանը:
Մանրամասները՝ տեսանյութում:
