06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Առաջարկում եմ «քաղաքացիական պատերազմ» տերմինը հանել օրինագծից. Աղազարյանը՝ փոխնախարարին․ ՏԵՍԱՆՅՈՒԹ
Քաղաքականություն
06.04.2022 | 12:19
«Դուք նշեցիք մի եզրույթ՝ «քաղաքացիական պատերազմ». ինձ շատ հետաքրքիր է՝ այդ եզրույթը ընդհանրապես միջազգային պրակտիկայում օգտագործվո՞ւմ է»,- ԱԺ տնտեսական հարցերի հանձնաժողովի այսօրվա նիստում հայտարարեց հանձնաժողովի նախագահ, «Հայաստան» խմբակցության պատգամավոր Վահե Հակոբյանը՝ դիմելով կառավարության հեղինակած «Ընդերքի մասին» օրենսգրքում լրացումների նախագիծը զեկուցող՝ ՀՀ տարածքային կառավարման և ենթակառուցվածքների նախարարի տեղակալ Հովհաննես Հարությունյանին։
«Ես դեմ եմ, հանեք «քաղաքացիական պատերազմ» եզրույթը, էդ ի՞նչ մեսիջ ենք տալիս հանքարդյունաբերողներին»,- նշեց պատգամավորը:
Հիշեցնենք, որ «Ընդերքի մասին» օրենսգիրքը լրացվել է նոր հոդվածով, որը նախատեսում է ընդերքօգտագործման իրավունքի ժամկետի երկարաձգում անհաղթահարելի ուժի հիմքով․ այդպիսիք են համարվում հրդեհները, ջրհեղեղները, երկրաշարժերը, փոթորիկները կամ այլ բնական աղետները, ինչպես նաև պայթյունները, պատերազմը, ահաբեկչությունը, քաղաքացիական պատերազմը, քաղաքացիական զանգվածային անհնազանդությունը, որոնք ընդերքօգտագործողը չէր կարող կանխատեսել, կանխարգելել և որոնց հետևանքով ընդերքօգտագործողը չի կատարել կամ անպատշաճ է կատարել սույն օրենսգրքով և ընդերքօգտագործման իրավունքով սահմանված պարտավորությունները:
Մանրամասները՝ տեսանյութում:
