06.10.2026 | 10:53
Հրմշտոց՝ ԱԺ-ում. անվտանգության աշխատակիցներին դահլիճ հրավիրեցին․ ՏԵՍԱՆՅՈՒԹ
Փաշինյանը պիտի ասի՝ ատրճանակը մեր քունքին դրված է, շանտաժի տակ չենք որոշելու ԼՂ հարցով, ճնշե՛ք Ադրբեջանին․ Հովսեփ Խուրշուդյան․ ՏԵՍԱՆՅՈՒԹ
Քաղաքականություն
05.04.2022 | 21:02
ԵԱՀԿ Մինսկի խմբի համանախագահ երեք պետություն՝ ԱՄՆ-ն, Ֆրանսիան և Ռուսաստանն ընդունում են, որ Ադրբեջանն Արցախում սադրանքներով ուժի սպառնալիք է կիրառում։ Հստակ հայտարարություններ են արել եռանախագահները՝ հիմնվելով կոնֆլիկտների լուծման հայտնի սկզբունքների վրա։
Factor TV-ի հետ զրույցում «Ազատ քաղաքացի» ՀԿ ղեկավար Հովսեփ Խուրշուդյանը հիշեցնում է, որ Մադրիդյան սկզբունքներով Արցախի ինքնորոշումը երաշխավորված էր լինելու, և ռազմական ճնշում ու սպառնալիք չպիտի տեղի ունենար, և ըստ նրա՝ Նիկոլ Փաշինյանը Բրյուսելում պիտի բարձրացնի այդ հարցը, նաև՝ համանախագահների առաջ։
«Այն, որ խախտվել է դա, ՀՀ-ի ձեռքին մեծ կռվան է՝ ասելու, որ պիտի նորից այդ երաշխիքները լինեն։ Նորից մեր քունքին է դրվել ատրճանակը, որ հերթական զիջումը պոկեն մեզնից, և որպես երաշխավորներ՝ դուք էլ եք դրան սպասո՞ւմ, դո՞ւք էլ եք ընդունում ՌԴ-ի կողմից աշխարհի վզին փաթաթած նոր խաղի կանոնները՝ ով ուժեղ է, նա էլ ինչ ուզի՝ կանի։ Դուք Ուկրաինայում դրան դիմադրում եք, ինչո՞ւ ՌԴ-ի դեպքում դա բերում է սանկցիաների, Ադրբեջանի դեպքում ճնշում եք ՀՀ-ին, քանի որ ուժ է կիրառվում, դուք զիջե՞ք»,- ասում է Խուրշուդյանը։
Հարցազրույցն ամբողջությամբ՝ տեսանյութում։
Ռոբերտ Անանյան
