10.10.2026 | 14:49
Վանաձորում, Հրազդանում, Արարատում և Գյումրիում փոշու պարունակությունը գերազանցել է թույլատրելի սահմանը
Ջրականի շրջանում ադրբեջանցի սահմանապահների և զինված իրանցիների միջև փոխհրաձգություն է տեղի ունեցել
Քաղաքականություն
05.04.2022 | 15:18
Արցախի գրավյալ Ջրականի շրջանում միջադեպ է տեղի ունեցել Ադրբեջանի սահմանապահների և Իրանի 6 քաղաքացիների միջև, որոնք, ըստ ադրբեջանական կողմի, խախտել են սահմանը, գրում են տեղական լրատվամիջոցները։
Ադրբեջանի պետական սահմանապահ ծառայության և գլխավոր դատախազության տարածած համատեղ հայտարարության մեջ նշվում է, որ ապրիլի 4-ին ժամը 20։45-ի սահմաններում Ջրականի շրջանում «Հորադիզ» սահմանապահ ջոկատի կետում հայտնաբերվել է սահմանի խախտման դեպք Իրանի Իսլամական Հանրապետությունից 6 զինված անհայտ անձանց կողմից։
Հաղորդվում է, որ սահմանապահ ջոկատը կրակ է բացել և վնասազերծել սահմանախախտներից մեկին։ Մյուս 5-ին հաջողվել է փախուստի դիմել։ Պարզվել է, որ նա եղել է Իրանի քաղաքացի Բեհնամ Բալային (ծնված 1996 թ.), որի մոտ հայտնաբերվել է «Կալաշնիկով» ինքնաձիգ, ինչպես նաև 32 կգ 270 գրամ թմրամիջոց։
Փախուստի դիմածներից սահմանային գոտում բերման է ենթարկվել Իրանի քաղաքացի Մուհամմեդ Զարեհի Թագին, մյուսների որոնումները շարունակվում են։
Էմմա Չոբանյան
