20.04.2026 | 16:27
Ըմբշամարտի ԵԱ․ Մանվել Խաչատրյանը և Մալխաս Ամոյանը դուրս են եկել կիսաեզրափակիչ․ ՏԵՍԱՆՅՈՒԹ
Փաշինյան-Ռաու անկեղծ և բաց զրույց է եղել Երևանում․ Լեհաստանի դեսպան․ ՏԵՍԱՆՅՈՒԹ
Քաղաքականություն
05.04.2022 | 13:45
Լեհաստանը մշտապես ընդգծել է ԵԱՀԿ Մինսկի խմբի գործունեության կարևորությունը, որի աշխատանքներին մասնակցում է նաև լեհ անդամ, ԵԱՀԿ գործող նախագահի անձնական ներկայացուցիչ Անջեյ Կասպրշիկը։ Երևանում լրագրողների հետ հանդիպմանն այս մասին ասաց ՀՀ-ում Լեհաստանի դեսպան Պավել Չելպակը։
Անդրադառնալով Լեհաստանի ԱԳ նախարար, ԵԱՀԿ գործող նախագահ Զբիգնև Ռաուի տարածաշրջանային այցի արդյունքներին՝ լեհ դիվանագետը նշեց, որ չի կարող բարձրաձայնել քննարկումների բոլոր մանրամասները, որոնք եղել են Հայաստանում և Ադրբեջանում հանդիպումներում։
«Հանդիպումները, որոնք տեղի ունեցան Բաքվում և Երևանում, փակ են եղել և ոչ բոլոր հարցերին է հնարավոր անդրադառնալ։ Պայմանավորվածության համաձայն՝ առաջինը հայտարարությամբ հանդես կգա Վիեննայի գրասենյակի մամուլի խոսնակը»,- հավելեց նա։
Ըստ Չելպակի՝ Զբիգնև Ռաուի հետ հանդիպմանը ՀՀ վարչապետ Փաշինյանը գլխավորապես նպատակ է ունեցել առաջարկներ լսել և ստացել է հստակ պատասխաններ։
«Կուզենայի հստակ նշել, որ շատ անկեղծ և բաց զրույց է եղել Նիկոլ Փաշինյանի և Լեհաստանի ԱԳ նախարարի միջև, բավական դրական եմ գնահատում զրույցը»,- ասաց նա։
Մանրամասները՝ տեսանյութում։
