01.11.2024 | 23:19
Հրդեհ Գյումրու տներից մեկում
Ընդդիմությունը կրկին առաջարկում է բարձրացնել նվազագույն աշխատավարձը՝ դարձնելով 80 հազար դրամ
Քաղաքականություն
05.04.2022 | 12:41
ԱԺ «Հայաստան» խմբակցության պատգամավոր Աղվան Վարդանյանն առաջարկում է նվազագույն աշխատավարձը դարձնել 80 հազար դրամ։ «Նվազագույն ամսական աշխատավարձի մասին» ՀՀ օրենքում փոփոխություններ կատարելու մասին օրենքի նախագիծը պատգամավորը ներկայացրեց ԱԺ աշխատանքի և սոցիալական հարցերի մշտական հանձնաժողովի նիստում։
Վարդանյանը հիշեցրեց, որ «Հայաստան» խմբակցությունը մեկ անգամ ևս առաջարկել էր նվազագույն ամսական աշխատավարձի բարձրացում, սակայն առաջինը լիագումար նիստերի օրակարգում չի ընդգրկվել, հանձնաժողովում ստացել էր բացասական եզրակացություն:
«Նախագիծը լրամշակվել է: Ներկայացված նախագծով առաջարկվում է նվազագույն աշխատավարձը սահմանել 80 հազար դրամ: Փոփոխություններ են կատարվում նաև ժամավարձով վարձատրվող աշխատակիցների համար, փոփոխվում են ժամային տարիֆային դրույքի նվազագույն չափերը»,- ասաց Վարդանյանը՝ առաջարկելով, որ կարգավորումն ուժի մեջ մտնի 2023 թվականի հունվարից:
Մանրամասները՝ տեսանյութում։
