09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Եզրափակչում գիտակցում էի, որ միայն ինձ համար չէի պայքարում, այլ՝ ամբողջ ազգի․ Արսեն Հարությունյան
04.04.2022 | 18:03
Ազատ ոճի ըմբիշ, Եվրոպայի կրկնակի չեմպիոն Արսեն Հարությունյանը «Օլիմպավանում» լրագրողների հետ հանդիպման ժամանակ կիսվել է տպավորություններով.
«Գնացել էի ոսկու հետևից և կարողացա այն նվաճել։ Երկրորդ անգամ դարձա Եվրոպայի չեմպիոն։ Առաջին անգամ ավելի դժվար էր։ Այս անգամ պատասխանատվության զգացումն էր, որ լարվածություն էր առաջացնում։
Առաջին օրվա գոտեմարտերից գոհ չեմ։ Եզրափակիչի ժամանակ կարողացա հաղթահարել լարվածությունը։ Չէի ասի, որ սա թույլ Եվրոպայի առաջնություն էր։ Մասնակիցներն ուժեղ էին»,- ասել է Եվրոպայի չեմպիոնը։
«Առաջիկա նպատակն ԱԱ-ին մասնակցելն է և, Աստված առաջ, ոսկե մեդալով վերադառնալը։ Առաջիկայում կմեկնեմ Սոչի՝ վերականգնողական պրոցեդուրաներ անցնելու համար։ ԵԱ-ում առաջին օրը մի փոքր լարվածություն կար, իսկ արդեն եզրափակչում, գիտակցում էի, որ միայն ինձ համար չէի պայքարում, այլ՝ ամբողջ ազգի»,– ArmSport.am-ի հետ զրույցում ասել է Արսեն Հարությունյանը։
Հայաստանի ազատ ոճի ըմբշամարտի Հայաստանի հավաքականը 1 ոսկե, 1 արծաթե և 1 բրոնզե մեդալով է վերադարձել Հունգարիայում կայացած Եվրոպայի առաջնությունից․ ոսկե մեդալ է նվաճել Եվրոպայի կրկնակի չեմպիոն Արսեն Հարությունյանը, արծաթե մեդալակիր է դարձել Արման Անդրեասյանը և բրոնզե մեդալակիր՝ Մանվել Խնձրցյանը։
