13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Պիտի ասենք՝ հարգելի՛ թշնամի, հողի պահանջ չունենք քեզնից, մենք աջակցում ենք արցախահայերի ինքնորոշման իրացմանը․ Հովիկ Աղազարյան․ ՏԵՍԱՆՅՈՒԹ
Քաղաքականություն
04.04.2022 | 19:02
Հայաստանն Ադրբեջանից տարածքային պահանջ չունի, այլ սատարում է Արցախի ժողովրդի ինքնորոշման իրավունքի իրացմանը։ Factor TV-ի հետ զրույցում այսպիսի տեսակետ է հայտնում ԱԺ «Քաղաքացիական պայմանագիր» խմբակցության պատգամավոր Հովիկ Աղազարյանը։
«Մենք պետք է ասենք՝ հարգելի՛ թշնամի, մենք քեզնից հողի պահանջ չունենք, ճանաչում ենք քո սահմանների անձեռնմխելիությունը․․․ մենք սատարում ենք Արցախի ժողովրդի ինքնորոշման իրավունքի իրացմանը»,- ասում է պատգամավորը։
Աղազարյանի գնահատմամբ՝ այն բանից հետո, երբ Արցախը դուրս է մնացել բանակցություններից, աշխարհի խաղացողների աչքում կոնֆլիկտը դարձել է Հայաստանի և Ադրբեջանի միջև տարածքային խնդիր․ «Եվ Հայաստանը համարվում էր օկուպանտ։ Այդտեղ մեր դիվանագիտությունը մեծ պարտություն է կրել, որի հետևանքները մենք կրեցինք, հիմա մենք պետք է գնանք այդ դաշտ»։
Իսկ ՔՊ-ական պատգամավորն ի՞նչ պատասխան ունի Ադրբեջանի՝ պատերազմ սկսելու շանտաժային գործելաոճին, որով, ըստ որոշ գնահատականների, փորձում են հարկադրել ՀՀ-ին իր հետ խաղաղության պայմանագիր կնքել։
Աղազարյանը չի զարմանում պատերազմի սպառնալիքից․ «Այդ դեպքում ինքը պատերազմ կսկսի ցանկացած դեպքում՝ երբ ուզենա, բոլոր պատերազմները, որ սկսվել են, ձևական կողմն ապահովել են ինֆորմացիոն դաշտում՝ ով է մեղավորը։ Եթե ինքն ուզենա և վստահ լինի, որ հարձակվի և Զանգեզուրը կգրավի, և կմարսի դա, միանշանակ, Թուրքիան և Ադրբեջանը կանեն։ Մենք չպիտի հույս ունենանք, որ ասում ենք խաղաղություն կնքել, իրենք ասելու են՝ եթե խաղաղություն է, եկեք ուրիշ ձև աշխատենք»։
Հարցազրույցն ամբողջությամբ՝ տեսանյութում։
Ռոբերտ Անանյան
