10.09.2026 | 12:52
Թրամփը Պուտինի հետ հեռախոսազրույցը «հիանալի» է անվանել
Խաղամոլության ցուցանիշը ՀՀ-ում թեև բարձր է, սակայն մարդիկ խուսափում են դիմել բուժման․ ՏԵՍԱՆՅՈՒԹ
Հասարակություն
04.04.2022 | 12:47
«ԱՄՆ-ում բնակչության մոտ 86 տոկոսը իր կյանքի որոշակի ժամանակահատվածում հրապուրվել է խաղերով և խաղադրույքներ է արել, բայց քչերի մոտ է կախվածություն առաջացել, մոտ 0,6-5,1 տոկոսի մոտ, իսկ եվրոպական տարածաշրջանում մոտ 0,3,-4 տոկոսի մոտ է առկա խաղամոլության նկատմամբ պաթոլոգիկ հակում:
Հայաստանում պաթոլոգիկ հակումները բավականին շատ են, բայց շատ քիչ մարդ է դիմում բժշկի»,- «Խաղամոլության խնդիրը. դրա դեմ պայքարն ու բուժման հնարավորությունները» թեմայով ասուլիսում այս մասին նշեց ՀՀ առողջապահության նախարարության հոգեբուժության և բժշկական հոգեբանության գծով խորհրդատու Գևորգ Փաշիկյանը:
«Հիմնականում բժշկի են դիմում հարազատները՝ փորձելով հասկանալ՝ ինչ մեթոդներ կիրառեն, որ իրենց հարազատն էլ չխաղա, բայց խաղամոլության նկատմամբ պաթոլոգիկ հակումներ ունեցող անձինք գրեթե չեն դիմում: 2020 թվականից սկսած մինչ այսօր ինձ դիմել է 25 անձ՝ օգնություն ստանալու համար»,- նշեց Փաշիկյանը՝ հավելելով, որ խաղամոլությունը կախվածություն է, որը հոգեկան առողջության խնդիր է:
Մանրամասները՝ տեսանյութում:
