28.03.2026 | 16:00
Երկրաշարժ Մարտունի քաղաքից 15 կմ հարավ-արևելք․ այն զգացվել է Մադինա գյուղում՝ 2-3 բալ ուժգնությամբ
Ուսապարկը վերադարձնելու դիմաց օտարերկրացուց փող էր պահանջել
Հասարակություն
02.04.2022 | 12:59
Մարտի 31-ին, ժամը 00.02-ին, օտարերկրյա մի քաղաքացի ոստիկանության Կենտրոնական բաժնում հաղորդում էր տվել, որ ժամեր առաջ սոցիալական ցանցով անհայտ անձից հաղորդագրություն է ստացել. կորցրած ուսապարկը վերադարձնելու դիմաց օտարերկրացուց փող էին պահանջել. տեղեկացնում են ՀՀ ոստիկանությունից:
Ոստիկանության Արաբկիրի բաժնի քրեական հետախույզների ձեռնարկած օպերատիվ-հետախուզական միջոցառումների արդյունքում պարզվել է, որ օտարերկրացուն հաղորդագրություն ուղարկած անձը Անտառային փողոցում բնակվող 33-ամյա մի տղամարդ է։ Ապրիլի 1-ին նա Թամանյան փողոցում հայտնաբերվել, բերման է ենթարկվել բաժին և տվել խոստովանական բացատրություն:
Տղամարդու անձնական խուզարկությամբ հայտնաբերվել է օտարերկրացու ուսապարկը:
Կատարվում է քննություն։
`
