16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Վարդենիսում ընտրություններից 3 ամիս անց համայնքապետ ընտրվեց
Քաղաքականություն
16.03.2022 | 15:43
Վարդենիս խոշորացված համայնքի ավագանին այսօր նիստ էր հրավիրել։ Նիստի ընթացքում 14 կողմ 13 դեմ ձայներով համայնքապետ ընտրվեց «Ահարոն Խաչատրյան» դաշինքի ղեկավար Ահարոն Խաչատրյանը։ Նրա թեկնածությունը կողմ քվեարկեցին «Ահարոն Խաչատրյան» և «Միասնական Վարդենիս» խմբակցությունները: «Քաղաքացիական պայմանագիր» խմբակցությունը թեկնածու չառաջադրեց և, ունենալով 13 մանդատ, դեմ քվեարկեց Ահարոն Խաչատրյանի թեկնածությանը:
Քվեարկությունից հետո ՔՊ խմբակցության ավագանու անդամ Նաիրա Մանուչարյանը հայտարարեց, որ ընտրողները դեմ են նման լուծմանը, իրենք ևս դեմ են․
«Մեծ պատասխանատվությամբ Վարդենիս խոշորացված համայնքի բնակիչների առջև, որոնք մեզ ձայն են տվել, մենք հաշվի ենք առնում այն փաստը, որ ՔՊ-ն ստացել է 13 մանդատ, «Միասնայան Վարդենիսը»՝ 4 և 10 մադատ «Ահարոն Խաչատրյան» դաշինքը: Տրվել է հնարավորություն, որ փոքր խմբակցությունները միավորվեն, մենք դրա հետ բացարձակ չենք համակերպվում: Այսօր մենք արտահայտում ենք մեր ընտրողների ցանկությունը, ոչինչ կախված չի մեզանից։ Ինչ էլ անեք հետագայում՝ հաջողություն, ուզում ենք հավատալ, որ ձեր նպատակները բարի են»,- ասաց նա:
ՔՊ խմբակցության ղեկավար, Վարդենիսի նախկին քաղաքապետ Արամ Մելքոնյանն էլ հավելեց. «Ես կիսում եմ տիկին Մանուչարյանի գաղափարները, Մենք չեն խոսում օրենքի բացից, որի արդյունքում ժողովրդի մեծամասնության քվեն ստացած ՔՊ խմբակցությունը դուրս է գալիս այստեղից և մնացածը թողնում է մյուս երկու խմբակցությունների վրա: Մենք պարտավորություն ունենք մեր ընտրողների առջև»:
Դրանից հետո ՔՊ խմբակցության 13 անդամները լքեցին ավագանու նիստը։ Հիշեցնենք՝ դեկտեմբերի 30-ից Վարդենիսի ավագանու անդամներին չէր հաջողվում համայնքապետ ընտրել։
Արփի Հակոբյան
