21.08.2026 | 16:35
«Մի՛ գոռա, հանգի՛ստ նստիր տեղդ». վեճ՝ Զառիթափում հանրային քննարկումների ժամանակ․ ՏԵՍԱՆՅՈՒԹ
G7-ի երկրներն առցանց հանդիպում կանցկացնեն՝ քննարկելու ՌԴ-ի գործողությունները
Քաղաքականություն
16.03.2022 | 15:17
Մեծ յոթնյակի երկրները (G7) այսօր առցանց հանդիպում են անցկացնելու՝ քննարկելու Ուկրաինայում Ռուսաստանի գործողությունները։ Այս մասին հայտնել է Ճապոնիայի ֆինանսների նախարար Շունիչի Սուզուկին, գրում է Reuters-ը։
Խորհրդարանում ունեցած ելույթում, սակայն, Սուզուկին չի նշել՝ հանդիպումը տեղի է ունենալու G7-ի ֆինանսների նախարարների՞, թե՞ այլ պաշտոնյաների մասնակցությամբ։
«Մեր երկիրը Ուկրաինայի շուրջ տիրող իրավիճակի հետ կապված ակտիվորեն համագործակցում է բոլոր շահագրգիռ երկրների հետ, առաջին հերթին՝ G7-ի պետությունների, որպեսզի պաշտպանի աշխարհակարգի հիմքերը»,- ասել է նա։
Պաշտոնյան նաև հավելել է, որ Ռուսաստանը բարձր գին կվճարի Ուկրաինա ներխուժման համար։
Էմմա Չոբանյան
