26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
Ուկրաինան հայտնել է ՌԴ-ի կողմից Իզյումից բնակչության տարհանումը խափանելու մասին
Քաղաքականություն
16.03.2022 | 16:00
Մարդասիրական միջանցք ստեղծելու և Իզյումի բնակչության տարհանման ջանքերը խափանվում են։ Այս մասին մարտի 16-ին Facebook-ում հայտնել է փոխքաղաքապետ Վլադիմիր Մացոկինը, գրում է korresoondent-ը։
Նա ընդգծել է, որ նախօրեին Խարկովի մարզային պետական վարչակազմը համաձայնության է եկել «կանաչ միջանցքի» շուրջ, և ձևավորվել է ավտոբուսների շարասյուն։ Սակայն հումանիտար ավտոշարասյունը, որը պետք է ապրանք հասցներ Իզյում ու տարհաներ քաղաքի բնակիչներին, ձախողվել է ռուսական կողմի պատճառով։
«Համաձայնություն չի տրվել, շարասյունը տեղից չի շարժվել։ Հուսով ենք, որ մոտ ապագայում իրավիճակը կփոխվի, և մարդիկ կստանան երկար սպասված օգնությունը»,- ասել է Մացոկինը։
Ավելի վաղ հաղորդվում էր, որ Իզյումը հումանիտար աղետի եզրին է։ Քաղաքը երկու շաբաթ շարունակ շրջափակված է ռուսական բանակի կողմից՝ մնալով առանց ջրի, լույսի, ջեռուցման, կապի ու դեղորայքի։
Տաթև Ֆռանգյան
