16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
ՌԴ-ում բողոքի ակցիաների ժամանակ մոտ 4300 մարդ է ձերբակալվել. Reuters
Քաղաքականություն
06.03.2022 | 21:15
Կիրակի օրը Ռուսաստանում անցկացված բողոքի ակցիաների ժամանակ, անկախ դիտորդական խմբի տվյալներով, ոստիկանությունը ձերբակալել է ավելի քան 4300 մարդու, գրում է Reuters-ը:
Նշվում է, որ ՌԴ-ում հազարավոր ցուցարարներ այսօր փողոց են դուրս եկել` բողոքելու ՌԴ նախագահ Վլադիմիր Պուտինի՝ Ուկրաինա ներխուժման դեմ: Նրանք վարնկարկել են` «Ո՛չ պատերազմին», «Ամո՛թ քեզ» և բողոքի երթեր կազմակերպել:
Ռուսաստանի ՆԳՆ-ն ավելի վաղ հայտնել էր մոտ 3500 ձերբակալվածի մասին, որոնցից 1700-ը Մոսկվայում, 750-ը՝ Սանկտ Պետերբուրգում և 1061-ը՝ այլ քաղաքներում։ ՆԳՆ-ն նաև տեղեկացրել է, որ ցույցերին մասնակցել է 5200 մարդ։
OVD-Info բողոքի մոնիթորինգի խումբը հայտնել է, որ փաստագրել է առնվազն 4366 մարդու կալանավորումը 56 տարբեր քաղաքներում:
Նշենք, որ Factor.TV-ն ուղիղ հեռարձակմամբ ներկայացնում էր Մոսկվայում անցկացվող բողոքի ակցիան։
