02.03.2025 | 21:36
ՏԿԵ նախարարը հետևել է Սյունիքի մարզում իրականացվող սուբվենցիոն ծրագրերի ընթացքին
Իրակլի Ղարիբաշվիլին ստորագրել է ԵՄ-ին Վրաստանի անդամակցության դիմումը
Քաղաքականություն
03.03.2022 | 22:33
Վրաստանի վարչապետ Իրակլի Ղարիբաշվիլին ուղիղ եթերում ստորագրել է ԵՄ-ին Թբիլիսիի անդամակցության դիմումը, գրում է ekhokavkaza.com-ը։
«Այսօր Վրաստանի համար պատմական օր է։ Պետության անունից ես ստորագրում եմ ԵՄ անդամակցության դիմումը։ ԵՄ-ին անդամակցության դիմումը ևս մեկ կարևոր քայլ է Վրաստանի՝ եվրոպական ինտեգրման ճանապարհին։ Սա փուլ է, որը մեր պատմության մեջ նոր ժամանակաշրջան է բացում»,-ասել է Ղարիբաշվիլին։
Նրա խոսքով՝ վրացի ժողովուրդը միշտ ունեցել եվրոպական կողմնորոշում, իսկ եվրոպական ապագան ՝ «գործողությունների անայլընտրանքային ծրագիր՝որոշված վրացի ժողովրդի կողմից ՝ վրացական ցանկացած կառավարության համար»։
Հիշեցնենք, որ փետրվարի 28-ին էլ Ուկրաինայի նախագահ Վլադիմիր Զելենսկին էր ստորագրել իր երկրի՝ ԵՄ անդամակցության դիմումը։
Էմմա Չոբանյան
