14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Երբ Վահագն Խաչատուրյանը կստանձնի նախագահի պաշտոնը
Քաղաքականություն
03.03.2022 | 21:29
Մարտի 3-ին արտահերթ ընտրություններով Ազգային ժողովը նախագահ ընտրեց Վահագն Խաչատուրյանին: Մինչ այս նա զբաղեցնում էր Բարձր տեխնոլոգիական արդյունաբերության նախարարի պաշտոնը:
Վահագն Խաչատուրյանը նախագահի պաշտոնը կստանձնի ընտրվելու 10-րդ օրը: «Արտահերթ ընտրության միջոցով ընտրված Հանրապետության նախագահը պաշտոնը ստանձնում է ընտրվելուց հետո՝ տասներորդ օրը»,- նշված է ՀՀ Սահմանադրությունում:
Այդ օրը հրավիրվելու է Ազգային ժողովի հատուկ նիստ, որտեղ ՀՀ նախագահը պաշտոնը ստանձնելու է ժողովրդին տրված հետևյալ երդմամբ. «Ստանձնելով Հանրապետության նախագահի պաշտոնը՝ երդվում եմ. հավատարիմ լինել Հայաստանի Հանրապետության Սահմանադրությանը, իմ լիազորություններն իրականացնելիս լինել անաչառ, առաջնորդվել միայն համապետական ու համազգային շահերով և իմ ողջ ուժը ներդնել ազգային միասնության ամրապնդման գործում»:
Հիշեցնենք՝ Վահագն Խաչատուրյանին հաջողվեց ՀՀ նախագահի պաշտոնում ընտրվել միայն երկրորդ փուլով: Նրա օգտին կողմ քվերակեցին միայն ՔՊ խմբակցության պատգամավորները, իսկ ընդդիմությունն ընդհանրապես բոյկոտել էր նախագահի ընտրության հարցի քննարկումը՝ չառաջադրելով թեկնածու:
Այս պահին նախագահի պարտականությունները իրականցնում է ԱԺ նախագահ Ալեն Սիմոնյանը:
Նշենք, որ Արմեն Սարգսյանը նախագահի պաշտոնից հրաժարական էր տվել հունվարի 24-ին:
Նարեկ Կիրակոսյան
