Քաղաքականություն
27.02.2022 | 01:08
Ֆրանսիայի նախագահ Էմանուել Մակրոնը երկրի պաշտպանության խորհրդի նիստում հանդես է եկել ՌԴ-ի դեմ տնտեսական և ֆինանսական պատժամիջոցների ուժեղացման օգտին, այդ թվում՝ SWIFT համակարգին առնչվող, հաղորդում է «Ֆրանս Պրես» գործակալությունը ՝ վկայակոչելով Ելիսեյան պալատը:
Ֆրանսիայի նախագահը «խոսել է «եվրոպացիների և ամերիկացիների հետ համաձայնեցված տնտեսական և ֆինանսական պատժամիջոցների ուժեղացման, ինչպես նաև ռուսների ֆինանսական ակտիվների սառեցման ազգային միջոցների օգտին»: Բացի այդ, Մակրոնը հանդես է եկել նոր միջոցների օգտին, որոնք պետք է ձեռնարկվեին եվրոպական գործընկերների հետ՝ կապված Swift համակարգի հետ», – փոխանցում է «ՌԻԱ Նովոստի»-ն։
Ավելի վաղ Reuters-ին եվրագոտու Կենտրոնական բանկի աղբյուրը հայտնել էր, որ համաշխարհային SWIFT վճարային համակարգից Ռուսաստանին անջատելու որոշումը կընդունվի մի քանի օրվա ընթացքում:
Հիշեցնենք, որ Ռուսաստանի նախագահ Վլադիմիր Պուտինը փետրվարի 21-ին հրամանագրեր է ստորագրել Դոնեցկի և Լուգանսկի Ժողովրդական Հանրապետությունների ինքնիշխանությունը ճանաչելու մասին, իսկ փետրվարի 24-ին Ռուսաստանը հատուկ ռազմական գործողություն է սկսել Ուկրաինայի ապառազմականացման ուղղությամբ: Ի պատասխան՝ արևմտյան երկրները սկսել են պատժամիջոցներ սահմանել ՌԴ-ի դեմ։
