06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
SWIFT համակարգից ՌԴ-ին անջատելու որոշումը կընդունվի մի քանի օրվա ընթացքում․ Reuters
Քաղաքականություն
26.02.2022 | 19:39
Համաշխարհային SWIFT վճարային համակարգից Ռուսաստանին անջատելու որոշումը կընդունվի մի քանի օրվա ընթացքում: Այս մասին Reuters-ին հայտնել է եվրոգոտու Կենտրոնական բանկի աղբյուրը։
«SWIFT-ից անջատումը պարզապես ժամանակի հարց է, շատ կարճ ժամանակի, օրերի»,- լրատվականին հայտնել Կենտրոնական բանկի ներկայացուցիչը, որը խնդրել է չհրապարակել իր անունը։
«Դա բավարա՞ր է, ո՛չ: Պե՞տք է: Բացարձակապե՛ս: Պատժամիջոցներն իմաստ ունեն միայն այն դեպքում, երբ երկու կողմերն էլ վճարում են դրա համար, իսկ դրանք թանկ կարժենան»,- հավելել է եվրոպական բանկի ներկայացուցիչը:
Հիշեցնենք, որ ՌԴ-ի անջատումը SWIFT-ից դիտարկվում էր որպես Ուկրաինայի դեմ նոր հարձակման դեպքում Ռուսաստանի դեմ պատժամիջոցների տարբերակներից մեկը։ Սակայն ԵՄ-ն այս հարցում վերջնական եզրակացության չէր գալիս՝ Արևմուտքի համար մեծ տնտեսական ռիսկերի պատճառով։
Ռուսական ներխուժումից հետո Եվրոպայում վերսկսվեցին SWIFT-ից ՌԴ-ին անջատելու վերաբերյալ քննարկումները։
Տաթև Ֆռանգյան
