05.06.2026 | 15:13
«Սաղ ձեր ընգերությանը՝ 15 հոգու, 300 հազար փո՞ղ են տվե»․ ՀԿԿ-ն նոր գաղտնալսում է հրապարակել․ ՏԵՍԱՆՅՈՒԹ
Ապօրինի գույքի բռնագանձման օրենքի վերաբերյալ ընդդիմության հայցը ՍԴ-ն քննության է վերցրել. զեկուցողը Վահե Գրիգորյանն է
Քաղաքականություն
25.02.2022 | 22:24
Սահմանադրական դատարանն այսօր որոշել է Ապօրինի ծագում ունեցող գույքի բռնագանձման մասին օրենքի՝ Սահմանադրությանը համապատասխանության հայցն ընդունել քննության: Առաջին նիստը տեղի կունենա մայիսի 3-ին: Այս մասին Factor.am-ը տեղեկանում է ՍԴ-ի կայացրած որոշումից:
Գործով զեկուցող է նշանակվել ՍԴ դատավոր Վահե Գրիգորյանը:
Հիշեցնենք՝ ավելի վաղ տեղեկացրել էինք, որ ԱԺ ընդդիմադիր «Հայաստան» և «Պատիվ ունեմ» խմբակցությունները դիմել են ՍԴ, քանի որ կարծում են՝ ապօրինի ծագում ունեցող գույքի բռնագանձման մասին օրենքը հակասահմանադրական է:
Նշենք, որ ԱԺ «Հայաստան» և «Պատիվ ունեմ» խմբակցությունների պատգամավորներից 6-ի գույքի ձեռքբերման հիմքերի օրինականությունը ստուգվում է՝ համաձայն Ապօրինի ծագում ունեցող գույքի բռնագանձման մասին օրենքի: Պատգամավորներից զատ՝ իրավապահներն ուսումնասիրում են նախկին իշխանության ներկայացուցիչների և նրանց հետ փոխկապակցված անձանց գույքի օրինականությունը:
Նարեկ Կիրակոսյան
