ԻՊ-ը Թուրքիայի տարածքով խոշոր գումարներ է փոխանցել․ նոր բացահայտում

Ֆինանսական հանցագործությունների հետաքննության խորհրդի (MASAK) վերջին զեկույցը ցույց է տալիս, որ «Իսլամական պետություն» (ԻԼԻՊ) ահաբեկչական կազմակերպության կողմից օգտագործվող գումարները փոխանցվել են Թուրքիայի քաղաքներով, ինչպիսին են Շանլըուրֆան և Գազիանթեփը, գրում են թուրքական լրատվամիջոցները։

Զեկույցը բացահայտել է, որ Թուրքիայի և Լիբիայի երկքաղաքացի Ֆայեզ Ալֆլըթը վաճառել է պայթուցիկ նյութեր, որոնք օգտագործվել են 2015 թվականին Լիբանանից Ռաքքա տեղափոխված ռումբերում։ ԻԼԻՊ-ը Գազիանթեփում գումարի փոխանցման տեղակայված ընկերությունն օգտագործել է՝ Ալֆըլըթին շուրջ 400,000 դոլար փոխանցելու համար։

Նշվում է, որ Ալֆլըթըն հաճախ ճանապարհորդել է Ադանա քաղաք և ապօրինի հատել Սիրիայի սահմանը Թել Աբյադից։ MASAK-ը բացահայտել է, որ նա կարող էր ճանապարհորդել սիրիական Ռաքքա և Դեր Զոր և գործարար կապեր հաստատել «Իսլամական պետության» հետ, այնուհետ Թուրքիայով վերադառնալ Լիբանան։

Նշվում է, որ Ալֆլըթը ԻԼԻՊ-ի հետ միակ համագործակցողը չէ, որ Թուրքիայով գումարներ է փոխանցել ահաբեկչական կազմակերպությանը։ Չահրեդդին Օմրանը, որը հայտնի է նրանով, որ ֆինանսավորել է ԻԼԻՊ-ին հակամարտությունների գոտիներում, 2016 թվականի հոկտեմբերին Թուրքիայի միջոցով 1924 եվրո է ուղարկել ԻԼԻՊ-ի անդամ Աբուլիեզի Աբուդուհամիտիին։
Մեկ այլ անց էլ՝ Յուսուֆ Ալի Էլհասան անունով, որը բնակվել է Տրապիզոն քաղաքում, ևս նպաստել է գումարային փոխանցումներին։ Գումարը փոխանցվել է Էլհասանին, նա էլ՝ Անկարայում ու Շանլըուրֆայում գտնվող համախոհներին։

Դրամական փոխանցումները շարունակվել են մինչև վերջերս։ Ըստ MASAK-ի՝ Սիրիայի երկու քաղաքացիներ՝ Ամմար Սալոն և Մուհամմեդ Սալոն, մեծ մասնակցություն են ունեցել Քահրամանմարաշ քաղաքից ԻԼԻՊ-ի հակամարտության գոտիներ գումար փոխանցելուն: Նրանք շարունակել են գործել քաղաքում՝ դյուրացնելով մեծ գումարների փոխանցումը սահմանով, մինչև 2019 թվականը, երբ կազմակերպությունը սկսեց կորցնել իր դիրքերը Սիրիայում:

Թուրքիայի միջոցով ուղղվող դրամական աջակցությունը միայն ԻԼԻՊ-ի հակամարտությունների գոտիներ չի ուղղվել։ MASAK-ը պարզել է նաև, որ ոսկի վաճառող, ոսկերիչ Ահմեդ Էլահմեդ ալ-Հարունը, որը բազմաթիվ խանութներ ունի Ստամբուլում, ստեղծել է համերաշխության հիմնադրամ՝ մարտերում զոհվածների կամ վիրավորների ընտանիքների համար։ Ալ-Հարունն օգտագործել է ոսկու առևտուրը՝ կազմակերպությունում իր անդամակցությունը թաքցնելու համար և օգտագործել է իր բիզնեսները՝ այդ միջոցները հավաքելու և տեղափոխելու համար։ Ալ-Հարունը նաև Աքսարայի իր գրասենյակներն օգտագործել է որպես ահաբեկչական կազմակերպության անդամների հանդիպման վայր Ստամբուլում, և պարբերաբար մեկնել Իրաք ու Սիրիա։ Նա կազմակերպության հաստատված անդամ է և ԻԼԻՊ-ի ֆինանսական համակարգում բարձր տեղ է զբաղեցրել: Ալ-Հարունին թույլատրվել է մնալ Թուրքիայում մինչև 2019 թվականի դեկտեմբերի 16-ին կալանավորումը։

Էմմա Չոբանյան