16.01.2025 | 19:45
Խոստում, որն այդպես էլ չկատարվեց․ ինչո՞ւ են կալանքի գործերը շարունակում մակագրվել ձեռքով. ՏԵՍԱՆՅՈՒԹ
Հնարավոր է` լինի հետցնցում, սակայն հորդորում ենք խուճապի չմատնվել. ԱԻՆ
Հասարակություն
14.02.2022 | 00:07
Արտակարգ իրավիճակների նախարարությունը հերթական հաղորդագրությունն է տարածել՝ տեղեկացնելով,որ այսօր արձանագրված երկրաշարժից հետո ավելի ուժգին երկրաշարժի հավանականությունը փոքր է։
«Հարգելի´ քաղաքացիներ, այս պահի դրությամբ հետցնցումների ակտիվությունը շարունակվում է։ Առկա տվյալների վերլուծությունը ցույց է տալիս, որ ուժեղ երկրաշարժի հավանականությունը փոքր է։ Բնակիչները կարող են վերադառնալ իրենց բնակարանները։ Հնարավոր է` լինի հետցնցում,որը կզգացվի բնակչության կողմից, սակայն հորդորում ենք խուճապի չմատնվել»,- ասված է ՀՀ ԱԻՆ-ի հաղորդագրության մեջ։
Ինչպես ավելի վաղ հաղորդել էինք, տեղական ժամանակով ժամը 22:25 -ին (Գրինվիչի ժամանակով ժամը` 18:25-ին) ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցը 5.2 մագնիտուդով երկրաշարժ է գրանցել հյուսիսային լայնության 41.19⁰ և արևելյան երկայնության 43.97⁰ աշխարհագրական կոորդինատներով Վրաստան-Հայաստան` Բավրա քաղաքից 16 կմ հյուսիս-արևելք, օջախի 10 կմ խորությամբ: Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Երկրաշարժը զգացվել է Շիրակի, Լոռու, Արագածոտնի մարզերում 4-5 բալ ուժգնությամբ և Երևան քաղաքում 3 բալ ուժգնությամբ:
