06.08.2026 | 10:25
Հրշեջ-փրկարարները մարել են կահույքի արտադրամասում բռնկված հրդեհը
Ուժգին երկրաշարժ Հայաստանի հյուսիսում
13.02.2022 | 22:46
Քիչ առաջ երկրաշարժ է տեղի ունեցել Հայաստանի հյուսիսում. ցնցումն արձանագրվել է տեղական ժամանակով ժամը 22:25 -ին (Գրինվիչի ժամանակով ժամը` 18:25-ին)։ ՀՀ ԱԻՆ Սեյսմիկ պաշտպանության տարածքային ծառայության սեյսմոլոգիական ցանցը 5.2 մագնիտուդով երկրաշարժ է գրանցել հյուսիսային լայնության 41.19⁰ և արևելյան երկայնության 43.97⁰ աշխարհագրական կոորդինատներով Վրաստան-Հայաստան` Բավրա քաղաքից 16 կմ հյուսիս-արևելք, օջախի 10 կմ խորությամբ:
Էպիկենտրոնային գոտում ստորգետնյա ցնցման ուժգնությունը կազմել է 6-7 բալ: Երկրաշարժը զգացվել է Շիրակի, Լոռու, Արագածոտնի մարզերում 4-5 բալ ուժգնությամբ և Երևան քաղաքում 3 բալ ուժգնությամբ:
Ուշագրավ է, որ անցյալ տարի հենց նույն օրը Հայաստանում 4․7 մագնիտուդով երկրաշարժ էր արձանագրվել. էպիկենտրոնը եղել էր Երևանից 8 կմ հարավ-արևելք՝ Նուբարաշեն վարչական շրջանից մոտ 2 կմ հյուսիս, ցնցումների ուժգնությունը էպիկենտրոնում կազմել էր 6-7 բալ։
