24.06.2026 | 21:44
Հայաստանի մի շարք հասցեներում էլեկտրաէներգիայի անջատումներ կլինեն
Արհեստական բանականության օգտագործումը շատ դեպքերում դառնում է վտանգավոր․ Վահագն Խաչատուրյան․ ՏԵՍԱՆՅՈՒԹ
Հասարակություն
31.01.2022 | 14:34
«Ցանկացած առաջընթաց իր հետ նաև խնդիրներ է առաջ բերում»,- այս մասին «Արհեստական բանականության հեռանկարները Հայաստանում․ կրթությունն առանցքում» խորագրով համաժողովի ընթացքում նշեց բարձր տեխնոլոգիական արդյունաբերության նախարար Վահագն Խաչատուրյանը:
Կարևորելով արհեստական բանականության դերը՝ նախարարը նշեց, որ արհեստական բանականության կիրառումը շատ դեպքերում դառնում է վտանգավոր, բայց այսօր արհեստական բանականության մեջ փորձել գտնել խնդիրներ և այդ պատճառով չմասնակցել այն գործընթացներին, որոնք ապահովում են առաջընթաց նաև արհեստական բանականության շնորհիվ, դա կնշանակի մարդկության զարգացման ճանապարհից հետ մնալ:
«Բայց այն, ինչ առաջարկվում է, պետք է դարձնենք կառավարելի և անվտանգության առումով ոչ խոցելի: Այն, ինչ օգտագործվում է լավագույն նպատակներով՝ մարդկանց բարեկեցության համար, հակառակն էլ է արվում, ցանկացած տեխնիկական առաջընթացի դեպքում այս դիլեմայի առջև են կանգնում, և մասնագիտական շրջանակները փորձում են այդ խնդիրը լուծել: Մենք եթե պատրաստվում ենք երկիրը թվայնացման ճանապարհով առաջ տանել, մեր առջև կանգնում է կիբերանվտանգության խնդիրը, եթե չկարողանանք կիբերանվտանգության խնդիրը լուծել, պարզապես լրացուցիչ խնդիրներ կստեղծենք և ավելի խոցելի կդառնանք: Արհեստական բանականությունը լավագույն միջոցն է, որը թույլ չի տա, որ դառնանք կիբերանվտանգության զոհ»,- նշեց Խաչատուրյանը:
Մանրամասները՝ տեսանյութում:
