21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
Թուրքական լիրան սկսել է արժեզրկվել Էրդողանի հայտարարություններից հետո
Քաղաքականություն
27.01.2022 | 21:53
Թուրքական լիրան այսօր սկսել է դոլարի նկատմամբ արժեզրկվել, երբ ԱՄՆ Դաշնային պահուստային համակարգը ազդարարեց ավելի խիստ քաղաքականությն մասին, իսկ ահա Թուրքիայի նախագահ Ռեջեփ Թայիփ Էրդողանն էլ մասնավոր բանկերը անվանեց «շահագործման անիվ» ու խորհուրդ տվեց քաղաքացիներին աշխատել պետական բանկերի հետ, գրում է Duvar-ը։
Նախօրեին լրագրողների հետ հարցազրույցում, Էրդողանը քննդատել էր թուրքական մասնավոր բանկերը ՝նշելով, որ նրանք բարձր տոկոսադրույքներ են սահմանել, քան Կենտրոնական բանկը։
«Բոլորս տեսնում ենք, որ մասնավոր բանկերը շարունակում են այս շահագործման անիվը։ Ես կոչ եմ անում մեր քաղաքացիներին, գնացե՛ք պետական բանկեր, մնան անիվի մեջ մի՛ մտեք»,-ասել էր Էրդողանը։
Թուրքիայի Կենտրոնական բանկն էլ հունվարի 27-ին վերանայել է իր տարեվերջյան գնաճի կանխատեսումը ինչպես 2022, այնպես էլ 2023 թվականների համար՝ պահպանելով իր միջնաժամկետ նպատակը 5% մակարդակում:
Կենտրոնական բանկի ղեկավար Շահափ Քավջըօղլուն ասել է, որ 2022-ին վերջին Թուրքիայում տարեկան գնաճը կանխատեսվում է 23,2 տոկոս՝ վերանայված նախորդ զեկույցի 11,8 տոկոսի։ Այսօր առավոտյան էլ թուրքական լիրան արժեզրկվել է՝վաճառվելով ԱՄՆ արժույթի նկատմամբ 13,62-ով։
Էմմա Չոբանյան
