29.06.2026 | 09:39
Այրված մեքենայում հայտնաբերվել է երեք քաղաքացու այրված դի․ ՃՏՊ Սուրենավանի մոտակայքում
Փարաքարում ռումբի մասին կեղծ ահազանգի հեղինակը հայտնաբերվել է
Հասարակություն
08.01.2022 | 14:48
Հունվարի 7-ին՝ ժամը 09.38-ին, ՀՀ ԱԻՆ 911 փրկարար ծառայությունից ոստիկանության Վաղարշապատի բաժնում հաղորդում է ստացվել, որ ծառայություն զանգած անձը հայտնել էր, թե Փարաքարի ակումբի մոտ ռումբ է դրված:
Դեպքի վայր են մեկնել ոստիկանության օպերատիվ և ԱԻՆ փրկարարական խմբեր։ Փարաքար համայնքի մշակույթի տանը և հարակից տարածքի զննությամբ պայթուցիկ նյութեր և սարքեր չեն հայտնաբերվել:
Ձեռնարկված միջոցառումների շնորհիվ պարզվել է փրկարար ծառայություն զանգած անձի ինքնությունը։
Ժամը 12.45-ին 41-ամյա կինը հայտնաբերվել է Էջմիածին քաղաքի Գրիգոր Լուսավորչի փողոցում և բերման ենթարկվել ոստիկանության Վաղարշապատի բաժին։
Նա տվել է խոստովանական բացատրություն:
Հիշեցնենք, որ երեկ Factor.am-ը տեղեկություն էր հրապարակել՝ Փարաքարի ավագանու նիստին լարված իրավիճակ է եղել, ռումբի մասին ահազանգ է տարածվել, նաև բախում ու բանավեճ է տեղի ունեցել:
