17.11.2024 | 19:53
Հայաստանի հավաքականը 1:2 հաշվով հաղթեց Լատվիայի թիմին
Գեղարքունիքի ոստիկանները ապօրինի ձկնորսության դեպք են բացահայտել. հսկողությունը շարունակվում է
Հասարակություն
30.12.2021 | 17:38
Դեկտեմբերի 28-ին, ժամը 11.30-ին, ոստիկանության Գեղարքունիքի մարզային վարչության, Վարդենիսի և Մարտունու բաժինների ծառայողները Սևանա լճից սիգ տեսակի ձկան ապօրինի որսի կանխարգելման միջոցառումների շրջանակներում Արծվանիստ գյուղի «Կարմիրավազ» կոչվող տարածքից, ապօրինի ձկնորսություն կատարելու կասկածանքով, ոստիկանության Մարտունու բաժին բերման ենթարկեցին Արծվանիստ գյուղի երկու բնակչի՝ իրենց մեքենայով և մոտորանավակով հանդերձ. տեղեկացնում են ՀՀ ոստիկանությունից:
Բերման ենթարկվածները մեքենայի բեռնախցիկից ներկայացրին 27 կգ ընդհանուր քաշով՝ 69 հատ սիգ և 1 իշխան տեսակի ձկներ:
Փաստի առթիվ նախապատրաստվում են նյութեր:
Հիշեցնենք, որ ձկների ձվադրման ժամանակաշրջանով պայմանավորված` մինչև հունվարի 15-ը արգելվում է Սևանա լճում զբաղվել ձկնորսությամբ։ Ոստիկանությունը, համագործակցելով մյուս պատկան մարմինների հետ, իրականացնելու է հետևողական հսկողություն։
