05.03.2026 | 17:00
133 հազար վճարողը կվճարի 43 հազար դրամ․ էլեկտրամոբիլների գույքահարկը ապրիլի 1-ից կնվազի
Սաակաշվիլիին նստեցրել են սայլակի մեջ, նա եղել է քնաբերի ազդեցության տակ․ փաստաբան
Քաղաքականություն
30.12.2021 | 18:55
Վրաստանի երրորդ նախագահի փաստաբան Նիկա Գվարամիան ասել է, որ Միխեիլ Սաակաշվիլին Ռուսթավիի բանտ տեղափոխվելիս չի դիմադրել քրեակատարողական ծառայության աշխատակիցներին․ նա թուլություն է զգացել, արյան բարձր ճնշում է ունեցել և գտնվել է քնաբերի ազդեցության տակ, գրում է Գրուզիա օնլայնը։
«Սայլակով գնացել են նրա մոտ, նստեցրել են, նա դիմադրելու հնարավորություն չի ունեցել։ Նախ՝ նրան թմրեցրել են, ըստ երևույթին, քնաբերի ազդեցության տակ է եղել։ Նաև նա ուներ արյան բարձր ճնշում։ Ինչպես ինձ ավելի վաղ ասել էր՝ հուզվելու դեպքում, հնարավոր է, վիճակը կվատանար, ուստի չի դիմադրել։ Նրան ասել են, որ տանում են Ռուսթավի, բայց եթե ճանապարհին իրեն վատ զգա, կտեղափոխեն Գլդանի։ Սա խոշտանգումների ուղղակի սպառնալիք է։ Այսինքն՝ եթե համարձակվես և քեզ վատ զգաս, քեզ կտանեն այնտեղ, որտեղ կխոշտանգեն»,- ասել է Գվարամիան։
Տաթև Ֆռանգյան
