Գրիպով հիվանդների թվի աճ ունենք.ամբողջ աշնան ընթացքում նկատելի էր սուր շնչառական վարակների ավելացում՝թե՛ մեծահասակների, թե՛ մանկահասակ երեխաների շրջանում: Այս մասին լրագրողների հետ զրույցում հայտնեց առողջապահության նախարար Անահիտ Ավանեսյանը:
«Սեպտեմբերից սկսած՝ բոլոր պոլիկլինիկաներն ապահովված են գրիպի դեմ, այս տարվա շտամների դեմ պատվաստանյութերով: Այն քաղաքացիները, ովքեր ամեն տարի պատվաստվում են գրիպի դեմ, չեն վարակվում: Իմ հորդորն է մանավանդ խրոնիկ հիվանդություններ ունեցող և մեծահասակ քաղաքացիներին՝ հնարավորինս արագ կերպով պատվաստվել նաև գրիպի դեմ: Իրարամերժ խնդիր չկա պատվաստանյութերի առումով: Շրջիկ կետերում նույնպես առկա են գրիպի դեմ պատվաստանյութեր»,- նշեց նախարարը:
Մանրամասները՝ տեսանյութում:
