09.08.2026 | 00:05
Էդգար Սևիկյանը խաղացել է Մադրիդի «Ռեալի» դեմ. ՏԵՍԱՆՅՈՒԹ
Դիմում եմ իրավապահ մարմիններին՝ մամուլի հրապարակումներն անպատասխան չթողնել. Փաշինյան․ ՏԵՍԱՆՅՈՒԹ
Հասարակություն
30.12.2021 | 12:07
Շատ հետևողականորեն փորձ է արվում տպավորություն ստեղծել, որ ճանապարհաշինության ոլորտում տեղի ունեցող փոփոխությունները կապված են իշխանության բարձրաստիճան ներկայացուցիչների ընտանիքների հետ: Այս մասին, այսօր՝ դեկտեմբերի 30-ին կառավարության նիստում հայտարարեց վարչապետ Նիկոլ Փաշինյանը:
Նա դիմեց իրավապահ մարմիններին՝ նշելով. «Հակակոռուպցիոն կոմիտե ունենք, Գլխավոր դատախազին, ԱԱԾ-ին խնդրում եմ մամուլի ոչ մի նման հրապարակում անպատասխան չթողնել: Շատ ուշադիր պետք է լինել կեղծ մատնության սահմանագծերն անցնելու պարագային էլ», – նշեց վարչապետը՝ ընդգծելով՝ սա սկզբունքային հարց է:
«Փորձում են տպավորություն ստեղծել, թե մենք հավաքվել ենք ու ասֆալտի «ատկատի» գործ ենք անում, չի հաջողվի իրենց մոտ, որովհետև նախկին իշխանությունների ընտանիքի անդամներն էլ են այսօր հաղթում մրցույթներում ու դժգոհ չենք, որովհետև լավ են աշխատում», – ասաց վարչապետը:
,Պետք է գնալ ու ստուգել բոլոր մրցույթները: Ընդ որում, մենք չենք կարող ժխտել ինչ-ինչ ժամանակներում ինչ-ինչ խնդիրների գոյությունը: Բոլորովին վերջերս մարդ ձերբակալվեց «Տարածքային զարգացման հիմնադրամից» «ատկակի» երևույթով աշխատելու փորձի համար»,-ընդգծեց Փաշինյանը՝ հավելելով, որ այդ ամենի դեմ պայքարելու են:
Մանրամասները՝ տեսանյութում:
