10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Բելառուսի ավելի քան 23 հազար քաղաքացի ապաստան է խնդրել Լեհաստանից
Քաղաքականություն
29.12.2021 | 16:37
2020 թվականի օգոստոսից ի վեր Բելառուսի ավելի քան 23 հազար քաղաքացի ապաստան է խնդրել Լեհաստանից։ Այս մասին PAP գործակալությանը տված հարցազրույցում հայտարարել է Լեհաստանի հատուկ ծառայությունների նախարար-համակարգողի ներկայացուցիչ Ստանիսլավ Ժարինը։
«2020 թվականի օգոստոսից մինչև 2021 թվականի դեկտեմբերի 26-ը ավելի քան 23 հազար բելառուսներ ժամանել են Լեհաստան՝ իրենց երկրում քաղաքական բռնաճնշումներից օգնության և պաշտպանվելու խնդրանքով: Բելառուսում բռնաճնշումների զոհերը Լեհաստան են ժամանում գրեթե ամեն օր»,- ասել է նա։
Պաշտոնյան նշել է, որ «Լեհաստանը, ինչպես ցանկացած այլ պետություն, պետք է իր միգրացիոն քաղաքականությունը վարի [իր սեփական] կանոններին ու սկզբունքներին համապատասխան»։
«Ապօրինի զանգվածային միգրացիայի համաձայնություն չկա և չի կարող լինել: Այդ գործընթացները պետք է հիմնված լինեն սեփականատիրոջ, այսինքն՝ Լեհաստանի սկզբունքների վրա»,- պարզաբանել է Ժարինը։
Բելառուսում նախագահական ընտրությունները տեղի են ունեցել 2020 թվականի օգոստոսին, որոնցում, ԿԸՀ-ի պաշտոնական տվյալների համաձայն, հաղթել է գործող նախագահ Ալեքսանդր Լուկաշենկոն, իսկ ընդդիմության առաջնորդ Սվետլանա Տիխանովսկայան զբաղեցրել է երկրորդ տեղը։ Վերջինը չի ճանաչել ընտրությունների արդյունքները և մեկնել է Լիտվա։ Աստիճանաբար նրա շուրջ ձևավորվել է ընդդիմադիրների մի խումբ, որոնք իրենց առաջնորդի հետևից շտապել են դեպի Բալթյան հանրապետություն։
Տաթև Ֆռանգյան
